Aao Baten Karen ( Poetry by Nusrat Naseem n Designed by Passion Creations )

Click on pic for full view

Aao Baten Karen

Un Ki Baten Karen

Ah Jin K Baghair Apni Ye Zindagi Bemaza Ho Gai

Aur Juda Ho Gaye

Rahaton K Wo Din Chahaton K Wo Din

Aalam-e-Khawab Main Jo Guzar Hi Gaye

Tum Humari Suno Hum Tumhari Sunen

Dard Ki Dastan

Karb Wo Bekaran

Dil Pe Jo Baar Hai

Le K Chalna Jise Sath Dushwar Hai

Jo Na Ho Km Magar

Sath Do Tum Agar

Lamha Bhar Ko Sahi Aik Pal Ko Sahi

Kuch Sakoon To Mile Ye Janoon To Taley

Go K Hum Jante Hain Ye Sab

Baat Karne Se To Baar Ghat'ta Nahi

Bantne Se Kabi Dard Bat'ta Nahi

Phir Bhi Baten Karen

Dil Ki Baten Karen

Aao Baten Karen

Nusrat Naseem

Mujhe Tum Se Mohabbat Hai ( Poetry by Aatif Saeed n Designed by Passion Creations )

Click on pic for full view

Mujhe Aksar Ye Kehti Thi
K Itni Bar Kehte Ho
Mujhe Tum Se Mohabbat Hai
K Ab Seene Pe Ye Sunne Se
Asar Koi Nahi Hota
Magar Jab Aaj Danista
Nahi Bola Usey Main Ne
Mujhe Tum Se Mohabbat Hai
To Us Ki Aankh Bhar Aai.
Aatif Saeed

Kabi Tum Kuch To Bolo Na ( Poetry by Nusrat Naseem n Designed by Passion Creations )

Click on pic for full view

"Kabi tum kuch to bolo na"
Jo dil main Hain wo sab baten,
Judai k ye tapte din kaise bit'te mujh bin,
Guzarti kaise Hain raten,
Jalati Hain tere dil ko b Kia saawan ki barsaten,
Kabi tum kuch to bolo na
Jahan bhi jao tum meri Kami mehsoos karte ho,
Dekhai deti hai Surat meri her ik chehre main
Mere bin zindagi hi ajnabi mehsoos karte ho,
Bohat din se sulagte Hain hum is aag main janaa
Agr dil main koi jazba panapta hi nahi to phir
Km az km itna hi keh do
Tumhari zindgi main hum koi ma'ani nahi rakhte,
Khudara chup na raho yon
Qafl-e-lab ko khulo na,

"Kabi tum kuch to bolo na"
Nusrat Naseem

Ishq Mujh Ko, Mere Hone Ka Hawala Hua Hai ( Poetry by Ahsan Mirza n Designed by Passion Creations )

Click on pic for full view

Ishq Mujh Ko, Mere Hone Ka Hawala Hua Hai
Ishq Ne Hi To Mera Naqsh Sambhala Hua Hai
Shab Ki Zulfon Main Kaie Pech Nazar Aate Hain
Jab Se Furqat Main Mujhe Ishq Ne Dala Hua Hai
Dil K Qartas Pe Jis Shakhs K Likha Hua Tha
Aaj Us Shakhs Ne Hi Dil Se Nikala Hua Hai
Tu Nahi Hai To Tera Dard Mata-e-Jaan Hai
Aik Muddat Se Jise Dil Main Sambhala Hua Hai
Wahmon Main Hi Ghira Rehta Hon, Tum Aaye Ho
Ik Ajab Karb Main Tum Ne Mujhe Dala Hua Hai
Mahrka Mujh Ko Meri Zaat Se Larna Ho Ga
Ab To Dushman Hi Mera Chahne Wala Hua Hai
Ahsan Mirza

Uljha Rahi Hai Mujh Ko Yehi Kashmakash Musalsal ( Designed by Passion Creations )

Click on pic for full view

Uljha Rahi Hai Mujh Ko Yehi Kashmakash Musalsal,
K Tu Aa Basa Hai Mujh Main Ya Main Kho Gia Hon Tujh Main

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Hijraton K Mousam Main ( Poetry by Fakhra Gul n Designed by Passion Creations )

Click on photo to view in full size

Tanbih
Hijraton K Mousam Main
Ghar Se Jab Nikalna Ho
Itna Yaad Rakh Lena
Ghar Se Jane Wale Sab
Manzilen Nahi Paate
Hijer Ki Tamazat Ko
Phool Jaise Ye Chehre
Hans K Seh Nahi Paate
Hijraton K Mousam Main
Ghar Se Jab Nikalna Ho
Itna Yaad Rakh Lena
Umer Bhar K Bandhan Main
Gr Duaen Shamil Hon
Umer Bhar K Rishton Ki
Tab Ye Mo'atbar Hon Ge
Maa K Pyar Ki Manind!
Warna Thar K Sehra Ki
Ajnabi Fizaon Main
Khak Aur Khawahish Ka
Ik Ghazaal-e-Ram Khorda
Ik Misaal Zinda Hai
Hijraton K Mousam Main
Ghar Se Aane Walon Ki.....
Fakhra Gul

Aap Apne Likhe Ashaar Bhool Jata Hon ( Poetry by Sada Hussain Sada n Designed by Passion Creations )

 Click on photo to see it bigger
 
Guftagu K Sare Mayar Bhool Bhool Jata Hon

Samne Wo Aaye Izhar Bhool Jata Hon

Waqt Ne Kiya Hai Kamzor Hafza Mera

Aap Apne Likhe Ashaar Bhool Jata Hon

Aik Shakhs Hi Thehra Zindagi Najane Kyon

Darmiyan Hai Kia Kia Dewaar Bhool Jata Hon

Roz Geet Likhta Hon Pyar K Mohabbat K

Kis Qadar Hai Jeena Dushwar Bhool Jata Hon

Sanp Aasteen Ka Dasta Hai Jab Kabi Mujh Ko

Dushmano K Sare Hi Waar Bhool Jata Hon

Jab Dua Deti Hai Maa Choom Choom Kar Maatha

Zindagi K Sare Aazaar Bhool Jata Hon

Her Faraib Khaya Hai Pyar Se Sada Main Ne

Matalbi Hai Dunia Her Baar Bhool Jata Hon

Sada Hussain Sada

Mousam Us Din Kyon Roya Tha ( Poetry by Aatif Saeed n Designed by Passion Creations )

Aaj Bhi Waise Hi Badal Hain

Aaj Bhi Waisa Hi Mousam Hai

Jab Hum Pehli Baar Mile They

Yaad Hai Hum Ne Ye Socha Tha

Hum Ko Milte Dekh K Mousam

Itna Khush Hai, Itna Khush K

Us Ki Aankhen Bheeg Gai Hain

Aaj Magar Hum Jaan Gaye Hain!

Mousam Us Din Kyon Roya Tha

Aatif Saeed

Haasil-e-Zindagi Justaju Hai ( Poetry by Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Janoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Janaa

Dhoop Hai Habs Hai Zard Lu Hai

Chashm Basta Ho Aashi K Waa Ho

Aik Soorat Hi Bas Rubaru Hai

Aisha Baig Aashi

Baghair Ishq K Ijz-o-Ataa'at Be Ma'ani ( Poetry by Nusrat Naseem n Designed by Passion Creations )

Baghair Ishq K Ijz-o-Ataa'at Be Ma'ani

Talab Jo Teri Nahi To Hayat Be Ma'ani

Mila Firaq Main Wo Sakoon-o-Kaif K Ab

Wisal-o-Qarb K Sab Iltafaat Be Ma'ani

Sath Jo Tera Nahi, Zindagi Hai Be Musarraf

Ye Roz-o-Shab, Lamhat-o-Sa'at Be Ma'ani

Nusrat Naseem

Yaad Main Tumhari Janaa Kamal Ab Bhi Hai ( Poetry of Sada Hussain Sada n Designed by Passion Creations )

Haan Gai Ruton Ka Dil Ko Malal Ab Bhi Hai
In Udaas Aankhon Main Ik Khayal Ab Bhi Hai
Dosh Den To Kaise Ik Dosre Ko Hum Dono
Bewafa Wo Tha Ya Main Ye Sawal Ab Bhi Hai
Naam Len Tumhara To Phool Khil Uthen Dil Main
Yaad Main Tumhari Janaa Kamal Ab Bhi Hai
Nochti Hai Tanhai, Be kali Main Guzren Pal
Yaar Bin Tumhare Jeena Mahal Ab Bhi Hai
Dekh Ho Gia Shair Waste Tumhare Main
Her Ghazal Main Meri, Tera Jamal Ab Bhi Hai
Parh Sakoon Main Chehre, Aata Nahi Hunar Ye Bhi
Jaan Ko Meri Kyon Kar Ye Wabal Ab Bhi Hai
Chah K Bhi Sada Haal-e-Dil Na Keh Saka Us Se
Lafz Lafz Mera Dekho Nidhal Ab Bhi Hai

Sada Hussain Sada

Ajeeb Mousam-e-Dil Jaan K Paar Utra Hai ( Poetry of Nusrat Naseem n Designed by Passion Creations )

Ajeeb Mousam-e-Dil Jaan K Paar Utra Hai
Dhanak K Rang Main Saara Ghubar Utra Hai
Main Is Ka Shukar Karon Ya Karon Koi Shikwa
Khizan Ki Rut Main Jo Mousam-e-Bahar Utra Hai
Teri Khushi Isey Samjhon K Apni Mehroomi
Gham-e-Firaq Jo Be Ikhtiyar Utra Hai
Naya Nai Azm Naye Raston Pe Chal Niklen
Purani Rahon Se Jab Aitbar Utra Hai
Main Is Ko Kaise Sambhalon Ye Kaise Sambhale Ga
Jo Tere Baad Mere Dil Pe Baar Utra Hai
Nusrat Naseem

Haasil-e-Zindagi Justaju Hai ( Poetry of Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Junoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Jaan

Dhoop Hai Habs Hai Zard Loo Hai

Chashm Basta Ho Aashi K Waa Ho

Aik Soorat Hi Bas RuBaru Hai

Aisha Baig Aashi

Lout Aao K Tum Bin Guzara Nahi ( Poetry of Sada Hussain Sada n Designed by Passion Creations )

Lout Aao K Tum Bin Guzara Nahi

Kon Si Shab Tumhain Yon Pukara Nahi

Tairgi Nochti Hai Shab-o-Roz Kyon

Kia Muqaddar Main Koi Sitara Nahi

In Ghamon Ka Mere Kuch Madawa Kare

Yaan Koi Dost Aisa Humara Nahi

Sada Hussain Sada

Ik Tera Sath Juft Hone Ko ( Poetry of Fakhra Gul n Designed by Passion Creations )

Taaq Raton Main Hum Ne Manga Hai

Ik Tera Sath Juft Hone Ko

Fakhra Gul

Koi Aisa Bhi Lamha Ho ( Poetry of Nusrat Naseem n Designed by Passion Creations )

Koi Aisa Bhi Lamha Ho

Koi Aisa Bhi Lamha Ho

Pukaron Jab Tujhe Janaa!

Sadaa Pohnchey Tere Dil Tak

Tujhe Main Dekhna Chahon

Tu Meri Dastras Main Ho

 

Koi Aisa Bhi Lamha Ho

K Rah-e-Zeest Main Janaa!

Tu Mere Sath Ho, Hathon Ko Mere Thaam Rakha Ho

Agar Main Dasht-e-Ulfat Main Qadam Rakhon

Tu Mera Humsafar Bhi Ho

Tu Mera Rehbar Bhi Ho

 

Koi Aisa Bhi Lamha Ho

Main Tere Sath Ho Jaon

To Meri Zindagi Aasaan Ho Jaye

Jo Tu Ne Mujh Se Bhandha Tha Kabi Janaa!

Wohi Toota Hua Pemaan Hi Sahi

Phir Se Wohi Pemaan Ho Jaye!

To Kuch Din Aur Jeene Ka Mujhe Imkaan Ho Jaye

Nusrat Naseem

Hijer Ka Karb ( Poetry of Aamir Vardan n Designed by Passion Creations )

Hijer Ka Karb

Tum Ne Dekha Hai Kabi

Dil Garifta o Dil Figaar Koi

Wo Jis K Chehre Se

Hijer Ka Karb Ayaan Hota Hai

Jis Ki Muskan Taley Aksar

Soz-e-Jaan Pehnaan Hota Hai

Kal Raat Main Ne Janaa

Aisa Hi Ik Shakhs Achanak Dekha

Us Ka Chehra Tha K Dard Tha Dehakta Hua

Us K Izterab Main Hijer Tha Mehkta Hua

Logon Ki Bheer Main Bhi Usey Tanha Dekha

Kia Tumhain Pata Hai Janaa

Kal Muddat Baad Main Ne Aaina Dekha

Mohammad Aamir Vardan

Wafa Kahan Ki Aur Bewafai Kaisi Hai ( Poetry of Nusrat Naseem n Designed by Passion Creations )

Wafa Kahan Ki Aur Bewafai Kaisi Hai

Milan Hua Hi Nahi Phir Judai Kaisi Hai

Rahi Hon Sath Usi K Nahi Tha Jo Mera

K Dil Ne Rasm-e-Mohabbat Nibhai Kaisi Hai

Nusrat Naseem

Jis Ka Naam Hai UrduShanas ( Poetry of Faisal Shabir n Designed by Passion Creations )

Internet Ki Dunia Main Ik Basti Hai

Jahan Doston Ki Mehfil Sajti Hai

Bahaar Ruton Ki Hai Wo Assaas

Jis Ka Naam Hai UrduShanas

Dhanak Rangon Ka Hai Haseen Imtezaj

Jise Dekh K Dil Hota Hai Bagh Bagh

Wahan Rehte Hain Yaar Dilon K Paas

Jis Ka Naam Hai UrduShanas

Mohabbaton K Phool Khilte Hain Wahan

Dilon K Rishte Palte Hain Wahan

Pyar Wahan Aata Hai Sabhi Ko Raas

Jis Ka Naam Hai UrduShanas

Wahan Baste Hain Log Kuch Sahib-e-Zoq

Milta Hai Wahan Duniaye Adab Ko Farogh

Urdu Zuban Ki Tarakki Ki Hai Ik Aas

Jis Ka Naam Hai UrduShanas

Hareem Ka Hai Ik Muqaam Wahan

Nomi Bhi Hai Ik Naam Wahan

Banate Hain Wo Usey Bohat Hi Khas

Jis Ka Naam Hai UrduShanas

Faisal Ab Nahi Raha Gumnaam

Shairy Ne Diya Usey Ik Naam

Mila Hai Usey Wo Ehsas

Jis Ka Naam Hai UrduShanas
Faisal Shabir