Tujhe Dekh Kar Janaa Mousam-e-Bahar Likhta ( Poetry by Faisal Shabir n Designed by Waheed's Art )

Click on pic for full view

Tujhe Dekh Kar Janaa Mousam-e-Bahar Likhta
Tere Labon Ko Mohabbat Ki Main Aabshar Likhta
Tu Ghazal Hoti To Tujhe Tarashta Kuch Is Tarha
Chandni Ko Khushbu Aur Chand Ko Tera Rukhsar Likhta
Gr Pochti Tu Kabi Mujh Se Mohabbat Ka Sawal
Kitab-e-Zindagi Ki Her Satar Pay Faqat Iqrar Likhta
Tu Sath Hoti Mere Aur Tham Jati Waqt Ki Raftar
Wisal K Ik Lamhe Ko Janaa Pyar Beshumar Likhta
Gr Hota Main Shayar To Bana K Tujhe Ik Nazam
Shairy Ko Apni Teri Chahaton Ka Khumar Likhta
Kabi Jo Achanak Mayassar Aa Jata Deedar Ka Lamha
Tujhe Dekh Kar Faisal Aankhon Se Izhaar Likhta.
Faisal Shabir

Zindagi Mohabbat Hai Aur Pyar Jeevan Hai ( Poetry by Sada Hussain Sada n Designed by S M Arshad )

Click on pic for full view

Zindagi Mohabbat Hai Aur Pyar Jeevan Hai

Sath Hai Tumhara To Pur Bahar Jeevan Hai

Chahte Hain Kitna Tum Ko Sanam Bataen Kia

Her Adaa Pe Teri Dil Kia Nisaar Jeevan Hai

Kia Kahen Sambhale Bhi Dil Nahi Sambhalta Ab

Lout Kar Chale Aao Beqarar Jeevan Hai

Sada Hussain Sada

Ik Us K Lams Ka Ehsas Ho Aur Hayat Lout Aaye ( Poetry by Faisal Shabir n Designed by Waheed's Art )

Click on pic for full view

Jo Kahi Us Ne Sargoshi Main Wo Baat Lout Aaye
Teri Yaad Ho Sath Aur Wisal Ki Her Soghat Lout Aaye Aaye
Ye Mousam-e-Hijer Tall Jaye Aur Khil Uthey Bahaar
Ik Us K Lams Ka Ehsas Ho Aur Hayat Lout Aaye
Main Nahi Tanha K Wo Shamil Hai Mujh Me Is Qadar
Jo Wo Nikle To Tanhai Main Meri Zaat Lout Aaye
Na Ho Paas-e-Aadab-e-Talab Ab Jab K
WO Sath Ho Mere Aur Wisal Ki Ik Raat Lout Aaye
Is Chashm-e-Sehra Ko Ab Ashk Ki Boond Bhi Hasil Nahi
Ik Lamha Jo Deedar Ho Tera To Barsat Lout Aaye
Ab To Tabeer Ki Hasrat Nahi Rahi Mujh Ko Faisal
Jise Dhondta Hon Main Her Shab Wo Khawab Lout Aaye

Faisal Shabir

Ishq Mujh Ko, Mere Hone Ka Hawala Hua Hai ( Poetry by Ahsan Mirza n Designed by Passion Creations )

Click on pic for full view

Ishq Mujh Ko, Mere Hone Ka Hawala Hua Hai
Ishq Ne Hi To Mera Naqsh Sambhala Hua Hai
Shab Ki Zulfon Main Kaie Pech Nazar Aate Hain
Jab Se Furqat Main Mujhe Ishq Ne Dala Hua Hai
Dil K Qartas Pe Jis Shakhs K Likha Hua Tha
Aaj Us Shakhs Ne Hi Dil Se Nikala Hua Hai
Tu Nahi Hai To Tera Dard Mata-e-Jaan Hai
Aik Muddat Se Jise Dil Main Sambhala Hua Hai
Wahmon Main Hi Ghira Rehta Hon, Tum Aaye Ho
Ik Ajab Karb Main Tum Ne Mujhe Dala Hua Hai
Mahrka Mujh Ko Meri Zaat Se Larna Ho Ga
Ab To Dushman Hi Mera Chahne Wala Hua Hai
Ahsan Mirza

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Aap Apne Likhe Ashaar Bhool Jata Hon ( Poetry by Sada Hussain Sada n Designed by Passion Creations )

 Click on photo to see it bigger
 
Guftagu K Sare Mayar Bhool Bhool Jata Hon

Samne Wo Aaye Izhar Bhool Jata Hon

Waqt Ne Kiya Hai Kamzor Hafza Mera

Aap Apne Likhe Ashaar Bhool Jata Hon

Aik Shakhs Hi Thehra Zindagi Najane Kyon

Darmiyan Hai Kia Kia Dewaar Bhool Jata Hon

Roz Geet Likhta Hon Pyar K Mohabbat K

Kis Qadar Hai Jeena Dushwar Bhool Jata Hon

Sanp Aasteen Ka Dasta Hai Jab Kabi Mujh Ko

Dushmano K Sare Hi Waar Bhool Jata Hon

Jab Dua Deti Hai Maa Choom Choom Kar Maatha

Zindagi K Sare Aazaar Bhool Jata Hon

Her Faraib Khaya Hai Pyar Se Sada Main Ne

Matalbi Hai Dunia Her Baar Bhool Jata Hon

Sada Hussain Sada

Haasil-e-Zindagi Justaju Hai ( Poetry by Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Janoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Janaa

Dhoop Hai Habs Hai Zard Lu Hai

Chashm Basta Ho Aashi K Waa Ho

Aik Soorat Hi Bas Rubaru Hai

Aisha Baig Aashi

Jo Us K Chehre Pe Rang-e-Haya Thehar Jaye ( Poetry by Farhat Abbas Shah n Designed by Bisma's Arts )

Jo Us K Chehre Pe Rang-e-Haya Thehar Jaye

To Saans, Waqt, Samundar, Hawa Thehar Jaye

Wo Muskuraye To Hans Hans Paren Kaie Mousam

Wo Gungunaye To Baad-e-Saba Thehar Jaye

Sabk Kharaam Saba Chaal Chal Pare Jab Bhi

Hazaar Phool Sir Rah Aa Thehar Jaye

Main Us Ki Aankhon Main Jhankon To Jaise Jam Jaon

Wo Aankh Jhapke To Chahon Zra Thehar Jaye

Farhat Abbas Shah

Yaad Main Tumhari Janaa Kamal Ab Bhi Hai ( Poetry of Sada Hussain Sada n Designed by Passion Creations )

Haan Gai Ruton Ka Dil Ko Malal Ab Bhi Hai
In Udaas Aankhon Main Ik Khayal Ab Bhi Hai
Dosh Den To Kaise Ik Dosre Ko Hum Dono
Bewafa Wo Tha Ya Main Ye Sawal Ab Bhi Hai
Naam Len Tumhara To Phool Khil Uthen Dil Main
Yaad Main Tumhari Janaa Kamal Ab Bhi Hai
Nochti Hai Tanhai, Be kali Main Guzren Pal
Yaar Bin Tumhare Jeena Mahal Ab Bhi Hai
Dekh Ho Gia Shair Waste Tumhare Main
Her Ghazal Main Meri, Tera Jamal Ab Bhi Hai
Parh Sakoon Main Chehre, Aata Nahi Hunar Ye Bhi
Jaan Ko Meri Kyon Kar Ye Wabal Ab Bhi Hai
Chah K Bhi Sada Haal-e-Dil Na Keh Saka Us Se
Lafz Lafz Mera Dekho Nidhal Ab Bhi Hai

Sada Hussain Sada

Ajeeb Mousam-e-Dil Jaan K Paar Utra Hai ( Poetry of Nusrat Naseem n Designed by Passion Creations )

Ajeeb Mousam-e-Dil Jaan K Paar Utra Hai
Dhanak K Rang Main Saara Ghubar Utra Hai
Main Is Ka Shukar Karon Ya Karon Koi Shikwa
Khizan Ki Rut Main Jo Mousam-e-Bahar Utra Hai
Teri Khushi Isey Samjhon K Apni Mehroomi
Gham-e-Firaq Jo Be Ikhtiyar Utra Hai
Naya Nai Azm Naye Raston Pe Chal Niklen
Purani Rahon Se Jab Aitbar Utra Hai
Main Is Ko Kaise Sambhalon Ye Kaise Sambhale Ga
Jo Tere Baad Mere Dil Pe Baar Utra Hai
Nusrat Naseem

Haasil-e-Zindagi Justaju Hai ( Poetry of Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Junoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Jaan

Dhoop Hai Habs Hai Zard Loo Hai

Chashm Basta Ho Aashi K Waa Ho

Aik Soorat Hi Bas RuBaru Hai

Aisha Baig Aashi

Lout Aao K Tum Bin Guzara Nahi ( Poetry of Sada Hussain Sada n Designed by Passion Creations )

Lout Aao K Tum Bin Guzara Nahi

Kon Si Shab Tumhain Yon Pukara Nahi

Tairgi Nochti Hai Shab-o-Roz Kyon

Kia Muqaddar Main Koi Sitara Nahi

In Ghamon Ka Mere Kuch Madawa Kare

Yaan Koi Dost Aisa Humara Nahi

Sada Hussain Sada

Sukhan Aarai Baki Reh Gai Hai ( Poetry of Noshi Gillani n Designed by Anamika )

Sukhan Aarai Baki Reh Gai Hai

Yehi Sachai Baki Reh Gai Hai

Sajana Chahte They Mehfil-e-Dil

Magar Tanhai Baki Reh Gai Hai

Mujhe Bhi Shoq-e-Manzil Tha Magar Ab

Shakista Pai Baki Reh Gai Hai

Gharoor-e-Zindagi Banne Ko Ab To

Meri Ruswai Baki Reh Gai Hai

Zameen K Sare Manzar Chup Gaye Hain

Magar Beenai Baki Reh Gai Hai

Noshi Gillani

Bheegi January Phir Lout Aai Hai ( Designed by Guddo )

Wohi Galiyan Wohi Kooche Wohi Sardi Ka Mousam Hai

Isi Andaz Se Apna Nizam-e-Zeest Barham Hai

Ye Husn-e-Itefaq Aisa K Nikhri Chandni Bhi Hai

Wohi Her Simt Veerani, Udasi Tishnagi Si Hai

Wohi Hai Bheer Sochon Ki Wohi Tanhaiyan Phir Se

Musafir Ajnabi Aur Dasht Ki Pehnaiyan Phir Se

Mujhe Sab Yaad Hai Kuch Saal Pehle Ka Qissa Hai

Wohi Lamha To Veerane Ka Aan Abaad Hissa Hai

Meri Aankhon Main Wo Ik Lamha Mojood Ab Bhi Hai

Wo Zinda Raat Ki Tanhai Main Sargoshiyan Ki Thien

Kisi Ki Narm Guftari Ne Dil Ko Loriyan Di Thien

Kisi Ne Meri Tanhai Ka Sara Karb Banta Tha

Kisi Ne Raat Ki Chunri Main Roshan Chand Taanka Tha

Chamakte Jugnuon Ka Sell Ik Bakhsha Tha Raton Ko

Dharkta Sa Naya Unwan Diya Tha Mere Khawabon Ko

Mere Shairon Main Ilhaam Ki Soorat Wo Utra Tha

Maani Ban K Jo Lafzon Main Pehli Baar Dharka Tha

Wo Jis K Hone Se Zindagi Naghma Sarai Hai

Usey Kehna! Bheegi January Phir Lout Aai Hai

Jis Ka Naam Hai UrduShanas ( Poetry of Faisal Shabir n Designed by Passion Creations )

Internet Ki Dunia Main Ik Basti Hai

Jahan Doston Ki Mehfil Sajti Hai

Bahaar Ruton Ki Hai Wo Assaas

Jis Ka Naam Hai UrduShanas

Dhanak Rangon Ka Hai Haseen Imtezaj

Jise Dekh K Dil Hota Hai Bagh Bagh

Wahan Rehte Hain Yaar Dilon K Paas

Jis Ka Naam Hai UrduShanas

Mohabbaton K Phool Khilte Hain Wahan

Dilon K Rishte Palte Hain Wahan

Pyar Wahan Aata Hai Sabhi Ko Raas

Jis Ka Naam Hai UrduShanas

Wahan Baste Hain Log Kuch Sahib-e-Zoq

Milta Hai Wahan Duniaye Adab Ko Farogh

Urdu Zuban Ki Tarakki Ki Hai Ik Aas

Jis Ka Naam Hai UrduShanas

Hareem Ka Hai Ik Muqaam Wahan

Nomi Bhi Hai Ik Naam Wahan

Banate Hain Wo Usey Bohat Hi Khas

Jis Ka Naam Hai UrduShanas

Faisal Ab Nahi Raha Gumnaam

Shairy Ne Diya Usey Ik Naam

Mila Hai Usey Wo Ehsas

Jis Ka Naam Hai UrduShanas
Faisal Shabir

Teri Mukhtasir Si Chahat Ko Hum Bhulaen Kaise ( Designed by Mr. Virgo )

Teri Mukhtasir Si Chahat Ko Hum Bhulaen Kaise,

Tum Ko Bhool Kar Khud Ko Chain Dilaen Kaise,

Na Jane Kon Si Kashish Tere Pas Le Aati Hai,

Tere Pas Aa Kar Tujh Main Samaen Kaise,

Hum Ne Dil Se Chaha Hai Tujhe,

Teri Chahat K Kabil Khud Ko Banaen Kaise,

Kyon Poochte Ho Hum Se Aansuon Ki Shiddat,

Hum Us Main Tera Aks Tujhe Dikhaen Kaise,

Hum Tumhain Bohat Mohabbat Karte Hain,

Magar Tumhain Ye Ehsas Dilaen Kaise.

Mohabbaton Main Wafaon Main Qaid Rakhon Ga ( Poetry of Ward Bazmi n Designed by Jia Khan )

Mohabbaton Main Wafaon Main Qaid Rakhon Ga

Tamaam Umer Duaon Main Qaid Rakhon Ga

Bachaa K Rakhon Ga Nafrat Ki Dhoop Se Her Pal

Prem Pairr Ki Chaon Main Qaid Rakhon Ga

Mere Labon K Jo Darwaze Waa Na Kar Paen

Humesha Aisi Sadaon Main Qaid Rakhon Ga

Ward Bazmi

Jab Tak Khuli Nahi Thi Israr Lag Rahi Thi ( Poetry of Alam Khursheed n Design by Musa Art )

Jab Tak Khuli Nahi Thi Israr Lag Rahi Thi

Ye Zindagi Mujhe Bhi Dushwar Lag Rahi Thi

Mujh Per Jhuki Hui Thi Phoolon Ki Aik Daali

Lekin Wo Mere Sir Per Talwar Lag Rahi Thi

Alam Khursheed

Bekhudi Main Tumhain Jab Yaad Karta Hon ( Poetry of Sada Hussain Sada n Designed by Passion )

Bekhudi Main Tumhain Jab Yaad Karta Hon

Tujh Se Milne Ki Phir Faryad Karta Hon

Roz Hi Yaad Main Teri Ghazal Keh Kar

Roz Ik Gham Naya Ejad Karta Hon

Kab Gawara Hai Dil Ko Bhoolna Tera

Chain Apna Main Yon Barbad Karta Hon

Phail Jati Hai Kamre Main Teri Khushbu

Main Khayalon Ko Jab Azaad Karta Hon

Bas K Mehsoos Hoti Hai Kami Teri

Besabab Dil Ko Kab Nashad Karta Hon

Sochta Hon Kahan Jaen Ye Ranj-o-Gham

Begharon Ko Sada Aabad Karta Hon

Sada Hussain Sada

Likhi Hui Dukhon Ki Kitab Parhna ( Poet n Design b Wafa Ghulam Nabi Shaikh )

Likhi Hui Dukhon Ki Kitab Parhna

Sisakta Hua Her Ik Baab Parhna

Preshan Haal Ghoom Rahe Hain

Bina Tabeer Mere Wo Khawab Parhna

Umer Kaise Kat'ti Hai Intezar Main

Meri Aankhon K Wo Azaab Parhna

Jhooti Tehreerain Jhootey Waadey

Kiye Jo Tum Ne Be Hisaab Parhna

Bhejey Jo Tum Ne Wafa Ko Kante

Likha Hai Main Ne Unhain Gulaab Parhna

Wafa Ghulam Nabi Shaikh