Zindagi Mohabbat Hai Aur Pyar Jeevan Hai ( Poetry by Sada Hussain Sada n Designed by S M Arshad )

Click on pic for full view

Zindagi Mohabbat Hai Aur Pyar Jeevan Hai

Sath Hai Tumhara To Pur Bahar Jeevan Hai

Chahte Hain Kitna Tum Ko Sanam Bataen Kia

Her Adaa Pe Teri Dil Kia Nisaar Jeevan Hai

Kia Kahen Sambhale Bhi Dil Nahi Sambhalta Ab

Lout Kar Chale Aao Beqarar Jeevan Hai

Sada Hussain Sada

Ye Jo Deewane Se Do Chaar Nazar Nazar Aate Hain ( Poetry of Saghar Siddiqui n Designed by S M Arshad )

Ye Jo Deewane Se Do Chaar Nazar Nazar Aate Hain

In Main Kuch Sahib-e-Israr Nazar Aate Hain

Teri Mehfil Ka Bharam Rakhte Hain So Jate Hain

Warna Ye Log To Bedaar Nazar Aate Hain

Door Tak Koi Sitara Hai Na Koi Jugnu

Marg-e-Umeed K Aasaar Nazar Aate Hain

Mere Daaman Main Shararon K Siwa Kuch Nahi

Aap Phoolon K Kharidar Nazar Aate Hain

Kal Jinhe Choo Nahi Sakti Thi Farishton Ki Nazar

Aaj Wo Ronaq-e-Bazaar Nazar Aate Hain

Hashar Main Kon Qawahi Meri De Ga Saghar

Sab Tumhare Hi Tarafdaar Nazar Aate Hain

Saghar Siddiqui

Batao Aaj Kahan Milo Gey Tum ( Designed by S M Arshad )

Batao Aaj Kahan Milo Gey Tum

Tumhain Ik Phool Dena Hai

Tum Se Ik Ehad Lena Hai

Tumhain Eman Kehna Hai

Tumhain Dil Dharkan Jaan Kehna Hai

Jo Juda Karne Ki Hain Sazishen

Unhen Bejan Kehna Hai

Haan! Tum Se Bohat Kuch Kehna Hai

Zameen Par Chal Na Saka Aasman Se Bhi Gia

Zameen Par Chal Na Saka Aasman Se Bhi Gia

Katey Jo Par To Parinda Uraan Se Bhi Gia

Kisi K Hath Se Nikla Hua Wo Teer Hon Me

Hadaf Ko Cho Na Saka Aur Kamaan Se Bhi Gia

Mohsin Naqvi

Mohabbat, Dastaan, Unwan Ho Tum

Aaj Phir Aankh Lagi Thi

Tere Hijer Me Janaa

Intezar