Aao Baten Karen ( Poetry by Nusrat Naseem n Designed by Passion Creations )

Click on pic for full view

Aao Baten Karen

Un Ki Baten Karen

Ah Jin K Baghair Apni Ye Zindagi Bemaza Ho Gai

Aur Juda Ho Gaye

Rahaton K Wo Din Chahaton K Wo Din

Aalam-e-Khawab Main Jo Guzar Hi Gaye

Tum Humari Suno Hum Tumhari Sunen

Dard Ki Dastan

Karb Wo Bekaran

Dil Pe Jo Baar Hai

Le K Chalna Jise Sath Dushwar Hai

Jo Na Ho Km Magar

Sath Do Tum Agar

Lamha Bhar Ko Sahi Aik Pal Ko Sahi

Kuch Sakoon To Mile Ye Janoon To Taley

Go K Hum Jante Hain Ye Sab

Baat Karne Se To Baar Ghat'ta Nahi

Bantne Se Kabi Dard Bat'ta Nahi

Phir Bhi Baten Karen

Dil Ki Baten Karen

Aao Baten Karen

Nusrat Naseem

Tujhe Dekh Kar Janaa Mousam-e-Bahar Likhta ( Poetry by Faisal Shabir n Designed by Waheed's Art )

Click on pic for full view

Tujhe Dekh Kar Janaa Mousam-e-Bahar Likhta
Tere Labon Ko Mohabbat Ki Main Aabshar Likhta
Tu Ghazal Hoti To Tujhe Tarashta Kuch Is Tarha
Chandni Ko Khushbu Aur Chand Ko Tera Rukhsar Likhta
Gr Pochti Tu Kabi Mujh Se Mohabbat Ka Sawal
Kitab-e-Zindagi Ki Her Satar Pay Faqat Iqrar Likhta
Tu Sath Hoti Mere Aur Tham Jati Waqt Ki Raftar
Wisal K Ik Lamhe Ko Janaa Pyar Beshumar Likhta
Gr Hota Main Shayar To Bana K Tujhe Ik Nazam
Shairy Ko Apni Teri Chahaton Ka Khumar Likhta
Kabi Jo Achanak Mayassar Aa Jata Deedar Ka Lamha
Tujhe Dekh Kar Faisal Aankhon Se Izhaar Likhta.
Faisal Shabir

Aankhon Main Aankhen Daal Kar ( Designed by Shakeel Khan )

Click on pic for full view

Aankhon Main Aankhen Daal Kar Dekha Na Kijiye

Dekhiye Dekhte Hain Log Aisa Na Kijiye

Humen Tum Se Mohabbat Hai ( Poetry by Aleena Itrat Rizvi n Designed by Musa Art )

Click on pic for full view

Kaha Nazron Se Nazron Ne Humen Tum Se Mohabbat Hai

Labon Se Hum Kahen Kaise Humen Tum Se Mohabbat Hai

Zameen K Phool Sare Aasman K Dil Main Khil Uthey

Zameen Ne Jab Kaha Hans K Humen Tum Se Mohabbat Hai

Aleena Itrat Rizvi

Mohabbat K Ye Saare Rang ( Poetry by Fakhira Batool n Designed by Jawaid Khan )

Click on pic for full view

Koi Kab Bhool Sakta Hai

Kabi Zeest Main Saare Warq

Purzon Ki Soorat Ho Chuke Phir Bhi

Wo Pehla Rang Jo Aankhon Main Jaga Tha

Wo Pehla Naam Jo Acha Mere Honton Ko Laga Tha

Wo Gaon Ki Kachi Si Pagdandi

Wo Pehli Rut Ki Mohabbat

Wo Ik Anjan Sa Sandesa Teri Shokh Aankhon Ka

Haya Se Wo Mera Palken Jhuka Dena

Wo Na Karte Huey Masoom Sa Iqrar Kar Dena

Wo Haan Kehte Huey Besakhta Inkar Kar Dena

Mohabbat K Ye Saare Rang

Koi Kab Bhool Sakta Hai

Fakhira Batool

Ik Us K Lams Ka Ehsas Ho Aur Hayat Lout Aaye ( Poetry by Faisal Shabir n Designed by Waheed's Art )

Click on pic for full view

Jo Kahi Us Ne Sargoshi Main Wo Baat Lout Aaye
Teri Yaad Ho Sath Aur Wisal Ki Her Soghat Lout Aaye Aaye
Ye Mousam-e-Hijer Tall Jaye Aur Khil Uthey Bahaar
Ik Us K Lams Ka Ehsas Ho Aur Hayat Lout Aaye
Main Nahi Tanha K Wo Shamil Hai Mujh Me Is Qadar
Jo Wo Nikle To Tanhai Main Meri Zaat Lout Aaye
Na Ho Paas-e-Aadab-e-Talab Ab Jab K
WO Sath Ho Mere Aur Wisal Ki Ik Raat Lout Aaye
Is Chashm-e-Sehra Ko Ab Ashk Ki Boond Bhi Hasil Nahi
Ik Lamha Jo Deedar Ho Tera To Barsat Lout Aaye
Ab To Tabeer Ki Hasrat Nahi Rahi Mujh Ko Faisal
Jise Dhondta Hon Main Her Shab Wo Khawab Lout Aaye

Faisal Shabir

Na Teri Soch Ne Rehai Di Na Teri Yaad Se Nikal Paya ( Poetry by Aatif Saeed n Designed by Bisma's Art )

Click on pic for full view

Aik Muddat Guzar Gai Lekin

Dil Ka Mousam Nahi Badal Paya

Na Teri Soch Ne Rehai Di

Na Teri Yaad Se Nikal Paya

Aatif Saeed

Ishq Ko Bhi Ishq Ho To Phir Main Dekhon Ishq Ko ( Designed by Black Pearl )

Click on pic for full view

Ishq Ko Bhi Ishq Ho To Phir Main Dekhon Ishq Ko

Kaise Tarpe Kaise Roye Ishq Apne Ishq Main

Aankhen, Zulfen, Jhumke, Chehra, Kangan, Bindiya ( Designed by Shakeel Khan )

Click on pic for full view

Aankhen, Zulfen, Jhumke, Chehra, Kangan, Bindiya

Haye Dil Haar Gaye Hum Tujhe Be Naqab Dekh Kar

Hum Aur Tum ( Poetry by Aleena Itrat Rizvi n Designed by Shakeel Khan )

Click on pic for full view

Raat, Khawab, Khamoshi Aur Hum

Meelon Lambe Raste Aur Tum

Aleena Itrat Rizvi

Ishq Mujh Ko, Mere Hone Ka Hawala Hua Hai ( Poetry by Ahsan Mirza n Designed by Passion Creations )

Click on pic for full view

Ishq Mujh Ko, Mere Hone Ka Hawala Hua Hai
Ishq Ne Hi To Mera Naqsh Sambhala Hua Hai
Shab Ki Zulfon Main Kaie Pech Nazar Aate Hain
Jab Se Furqat Main Mujhe Ishq Ne Dala Hua Hai
Dil K Qartas Pe Jis Shakhs K Likha Hua Tha
Aaj Us Shakhs Ne Hi Dil Se Nikala Hua Hai
Tu Nahi Hai To Tera Dard Mata-e-Jaan Hai
Aik Muddat Se Jise Dil Main Sambhala Hua Hai
Wahmon Main Hi Ghira Rehta Hon, Tum Aaye Ho
Ik Ajab Karb Main Tum Ne Mujhe Dala Hua Hai
Mahrka Mujh Ko Meri Zaat Se Larna Ho Ga
Ab To Dushman Hi Mera Chahne Wala Hua Hai
Ahsan Mirza

Nigahon Main Ab Tak Dosra Chehra Nahi Aaya ( Designed by Alone Fairy )

Click on pic for full view

Nigahon Main Ab Tak Dosra Chehra Nahi Aaya

Bharosa Hi Kuch Aisa Tha Tumhare Lout Aane Ka

Uljha Rahi Hai Mujh Ko Yehi Kashmakash Musalsal ( Designed by Passion Creations )

Click on pic for full view

Uljha Rahi Hai Mujh Ko Yehi Kashmakash Musalsal,
K Tu Aa Basa Hai Mujh Main Ya Main Kho Gia Hon Tujh Main

Is Tarha Hon Tere Khayal Main Gum ( Poetry by Aatif Saeed n Designed by Rapunzel )

Click on pic for full view

Is Tarha Hon Tere Khayal Main Gum

Aaina Aainon K Jaal Main Gum

Wo Bhi Deta Nahi Khabar Apni

Main Bhi Rehta Hon Apne Haal Main Gum

Aatif Saeed

Main Bola Wisal Ki Raat Kahan ( Designed by Waheed's Art )

Click on pic for full view

Main Bola Wisal Ki Raat Kahan

Wo Boli Aisi Baat Kahan
Main Bola Chand Ko Chu Aaen
Wo Boli Ye Auqat Kahan
Main Bola Aankhen Sehra Kyon
Wo Boli Ab Barsat Kahan
Main Bola Tum Hi Jeet Gaien
Wo Boli Pyar Main Maat Kahan
Main Bola Meri Zaat Ho Tum
Wo Boli Meri Zaat Kahan
Main Bola Mera Sath Nibha
Wo Boli Ab Halaat Kahan

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Ye Aarzu Hai K Khushbu Hassaar Ho Mera ( Poetry by Ward Bazmi n Designed by Maira Haider )

Click on pic for full view

Ye Aarzu Hai K Khushbu Hassaar Ho Mera

Jo Apni Bahon Ko Sandal Bana Sako To Kaho

Ward Bazmi

Aap Apne Likhe Ashaar Bhool Jata Hon ( Poetry by Sada Hussain Sada n Designed by Passion Creations )

 Click on photo to see it bigger
 
Guftagu K Sare Mayar Bhool Bhool Jata Hon

Samne Wo Aaye Izhar Bhool Jata Hon

Waqt Ne Kiya Hai Kamzor Hafza Mera

Aap Apne Likhe Ashaar Bhool Jata Hon

Aik Shakhs Hi Thehra Zindagi Najane Kyon

Darmiyan Hai Kia Kia Dewaar Bhool Jata Hon

Roz Geet Likhta Hon Pyar K Mohabbat K

Kis Qadar Hai Jeena Dushwar Bhool Jata Hon

Sanp Aasteen Ka Dasta Hai Jab Kabi Mujh Ko

Dushmano K Sare Hi Waar Bhool Jata Hon

Jab Dua Deti Hai Maa Choom Choom Kar Maatha

Zindagi K Sare Aazaar Bhool Jata Hon

Her Faraib Khaya Hai Pyar Se Sada Main Ne

Matalbi Hai Dunia Her Baar Bhool Jata Hon

Sada Hussain Sada

Raat Abi Tanhai Ki Pehli Dehleez Pe Hai ( Poetry by Parveen Shakir n Designed by Bisma's Arts )

Raat Abi Tanhai Ki Pehli Dehleez Pe Hai

Aur Meri Janib Apne Hath Barhati Hai

Soch Rahi Hon In Ko Thamon

Zeena Zeena Sannaton K Tehkhanon Main Utron

Ya Apne Kamre Main Thehron

Chand Meri Khirki Per Dastak Deta Hai

Parveen Shakir

Haasil-e-Zindagi Justaju Hai ( Poetry by Aisha Baig Aashi n Designed by Passion Creations )

Haasil-e-Zindagi Justaju Hai

Haasil-e-Justaju Sirf Tu Hai

Roshni Urr Rahi Hai Janoon Ki

Roshni Ko Teri Aarzu Hai

Orrh Kar Chandni Teri Khushbu

Saans Ki Raat Main Chaar Soo Hai

Jald Aa Kar Badal Mousam Janaa

Dhoop Hai Habs Hai Zard Lu Hai

Chashm Basta Ho Aashi K Waa Ho

Aik Soorat Hi Bas Rubaru Hai

Aisha Baig Aashi