Tujhe Dekh Kar Janaa Mousam-e-Bahar Likhta ( Poetry by Faisal Shabir n Designed by Waheed's Art )

Click on pic for full view

Tujhe Dekh Kar Janaa Mousam-e-Bahar Likhta
Tere Labon Ko Mohabbat Ki Main Aabshar Likhta
Tu Ghazal Hoti To Tujhe Tarashta Kuch Is Tarha
Chandni Ko Khushbu Aur Chand Ko Tera Rukhsar Likhta
Gr Pochti Tu Kabi Mujh Se Mohabbat Ka Sawal
Kitab-e-Zindagi Ki Her Satar Pay Faqat Iqrar Likhta
Tu Sath Hoti Mere Aur Tham Jati Waqt Ki Raftar
Wisal K Ik Lamhe Ko Janaa Pyar Beshumar Likhta
Gr Hota Main Shayar To Bana K Tujhe Ik Nazam
Shairy Ko Apni Teri Chahaton Ka Khumar Likhta
Kabi Jo Achanak Mayassar Aa Jata Deedar Ka Lamha
Tujhe Dekh Kar Faisal Aankhon Se Izhaar Likhta.
Faisal Shabir

Mujhe Tum Se Mohabbat Hai ( Poetry by Aatif Saeed n Designed by Passion Creations )

Click on pic for full view

Mujhe Aksar Ye Kehti Thi
K Itni Bar Kehte Ho
Mujhe Tum Se Mohabbat Hai
K Ab Seene Pe Ye Sunne Se
Asar Koi Nahi Hota
Magar Jab Aaj Danista
Nahi Bola Usey Main Ne
Mujhe Tum Se Mohabbat Hai
To Us Ki Aankh Bhar Aai.
Aatif Saeed

Humen Tum Se Mohabbat Hai ( Poetry by Aleena Itrat Rizvi n Designed by Musa Art )

Click on pic for full view

Kaha Nazron Se Nazron Ne Humen Tum Se Mohabbat Hai

Labon Se Hum Kahen Kaise Humen Tum Se Mohabbat Hai

Zameen K Phool Sare Aasman K Dil Main Khil Uthey

Zameen Ne Jab Kaha Hans K Humen Tum Se Mohabbat Hai

Aleena Itrat Rizvi

Mohabbat K Ye Saare Rang ( Poetry by Fakhira Batool n Designed by Jawaid Khan )

Click on pic for full view

Koi Kab Bhool Sakta Hai

Kabi Zeest Main Saare Warq

Purzon Ki Soorat Ho Chuke Phir Bhi

Wo Pehla Rang Jo Aankhon Main Jaga Tha

Wo Pehla Naam Jo Acha Mere Honton Ko Laga Tha

Wo Gaon Ki Kachi Si Pagdandi

Wo Pehli Rut Ki Mohabbat

Wo Ik Anjan Sa Sandesa Teri Shokh Aankhon Ka

Haya Se Wo Mera Palken Jhuka Dena

Wo Na Karte Huey Masoom Sa Iqrar Kar Dena

Wo Haan Kehte Huey Besakhta Inkar Kar Dena

Mohabbat K Ye Saare Rang

Koi Kab Bhool Sakta Hai

Fakhira Batool

Jab Nazar Nazar Se Milti Hai Pyar Hota Hai ( Poetry by Sada Hussain Sada n Designed by Passion Creations )

Click on pic for full view

Jab Nazar Nazar Se Milti Hai Pyar Hota Hai

Besabab Kahan Dil Ye Beqarar Hota Hai

Le K Naam Tera Khilte Hain Phool Gulshan Main

Dekh Kar Tumhain Mousam Bhi Bahar Hota Hai

Bhool Jate Hain Khud Ko Bhool Jati Hai Dunia

Wisal Ka Tumhare Aisa Khumar Hota Hai

Cheer Phaar Dete Hain Dagh Hasraton K Dil

Furqaton Ka Mousam Jab Jab Sharar Hota Hai

Lakh Tum Bacha Kar Daman Chalo Mohabbat Se

Aik Teer Nazron Ka Dil K Paar Hota Hai

Her Khushi Hui Hai Mansoob Naam Se Tere

Raat Din Tumhara Hi Intezar Hota Hai

Dhoond Parsaon Main Mat Sada Mujhe Aise

Naam Mera Deewano Main Shumar Hota Hai

Sada Hussain Sada

Mohabbat Jeet Hoti Hai Magar Ye Haar Jati Hai ( Designed by Hass )

Mohabbat Jeet Hoti Hai

Magar Ye Haar Jati Hai

Ab Apni Mohabbat Ki Safai Na Diya Kar ( Designed by Raja Azhar )

Ab Teri Wazahat Main Sadaqat Nahi Lagti

Ab Apni Mohabbat Ki Safai Na Diya Kar

Mohabbat K Is Pehle Sunehre Safar Main ( Designed by Creative Sign )

Mohabbat K Is Pehle Sunehre Safar Main

Meri Ye Dua Hai K

Tumhain Khushiyon K Hazaron Jazeerey Milen

Aur Mujhe Tumhari Mohabbat...!!

Mohabbat Ka Aik Din ( Designed by Dagger's Art )

Mohabbat Ka Aik Din

Meri Nazar Karne Wale

Aik Pal

Haan Sirf Aik Pal

Meri Zindagi Jee Kar To Dekh

Wo Mujhe Mila Hota ( Poetry of Mehroo Ali n Designed by Shahid Ali Kiyani )

Aasman K Maalik Se

Do Jahan K Khaliq Se

Sirf Itna Chaha Hai

Sirf Itna Manga Hai

Roz-o-Shab Riyazat Ka

Pur Khaloos Chahat Ka

Be Panah Mohabbat Ka

Itna To Sila Hota

Wo Mujhe Mila Hota

Mehroo Ali

Mere Khawab Mujh Se Kabi Baat Kar ( Poetry of Naheed Virk n Designed by Abu Hamza )

Mere Khawab Mujh Se Kabi Baat Kar

Mere Taalu Se Chipke Huey Saare Wo Lafz Parh Jo

Kabi Tujh Se Main Keh Na Pai

Mere Khawab Tu Meri Takmeel Kar

Koi Jugnu, Mohabbat, Dua Ban Kar Tabeer Main Dhal

Kisi Lams Ka Koi Marham Meri Rooh K Ghao Per Rakh

Nahi To

Shab-o-Roz Ka Khokhla Silsila Khatam Kar

Jahan Phaili Tanhai Ki Aag Main

Rooh Ko Yon Na Jalna Pare

Dukh Ki Lehron K Phaile Huey Jaal Main

Paon Apna Na Dharna Pare

Naheed Virk

Mohabbaton Main Humen Wo Misaal Hona Hai ( Poetry of Wasi Shah n Designed by Creative Sign )

Milen Gi Hum Ko Bhi Apne Naseeb Ki Khushiyan

Bas Intezar Hai Kab Ye Kamaal Hona Hai

Her Aik Shakhs Chale Ga Humari Rahon Per

Mohabbaton Main Humen Wo Misaal Hona Hai

Wasi Shah

Mohabbaton Ka Mehakta Mousam ( Poetry of Fakhra Batool n Designed by Musa Art )

 Mohabbaton Ka Mousam

Wohi Wafa Hai Wohi Jafa Hai

Jahan Main Kuch Bhi Naya Nahi Hai

Mohabbaton Ka Mehakta Mousam

Suno Abi Tak Gia Nahi Hai

Fakhira Batool

Wafa Kahan Ki Aur Bewafai Kaisi Hai ( Poetry of Nusrat Naseem n Designed by Passion Creations )

Wafa Kahan Ki Aur Bewafai Kaisi Hai

Milan Hua Hi Nahi Phir Judai Kaisi Hai

Rahi Hon Sath Usi K Nahi Tha Jo Mera

K Dil Ne Rasm-e-Mohabbat Nibhai Kaisi Hai

Nusrat Naseem

Hum Apni Jaan Tak Us Pe Luta Den Gey ( Designed by Pasha Shah )

Hum Apni Jaan Tak Us Pe Luta Den Gey

Koi Humari Tarha Hum Se Mohabbat To Kare

Yaktarfa Mohabbat Ka Nuqsan Bohat Hai

Yaktarfa Mohabbat Ka Nuqsan Bohat Hai

Dil Toot Jane Ka Imkan Bohat Hai

Hum Toot Kar Chahen Jise Usey Khabar Nahi

Is Amar Pe Hairan Dil Nadan Bohat Hai

Faryad Karti Ye Meri Tanhai

Bas Jao Is Dil Main Ye Veeran Bohat Hai

Hum Kahan Kisi K Aib Se Parda Uthaen Gey

Chunne Ko To Apna Hi Greban Bohat Hai

Ik Thaka Hua Aansu ( Designed by Queen Victoria )

Kia Mila Mohabbat Se?

Khawab Ki Musafat Se

Wisal Ki Tamazat Se

Roz-o-Shab Riyazat Se

Kia Mila Mohabbat Se

Aik Hijer Ka Sehra

Aik Sham Yadon Ki

Ik Thaka Hua Aansu

Wo Is Andaz Ki Mujh Se Mohabbat Chahta Hai ( Designed by Guddo )

Wo Is Andaz Ki Mujh Se Mohabbat Chahta Hai

Mere Her Khawab Per Apni Hakumat Chahta Hai

Wo Kehta Hai Main Us Ki Zaroorat Ban Chuka Hon

To Goya Wo Mujhe Hisb-e-Zaroorat Chahta Hai

Wo Shakhs Jo Haara Nahi Kisi Jang Main ( Designed by Pasha Shah )

Wo Shakhs Jo Haara Nahi Kisi Jang Main

Mohabbat Main Sir Katane Ko Tyar Betha Hai

Ek Yehi Aarzu Rahi Dil Main Muddaton Se (Designed by Faisals)

 Ek Yehi Aarzu Rahi Dil Main Muddaton Se,

Koi Mujhe Bhi Chahe Dil Ki Shiddaton Se,

Bohat Veeran Si Hai Zindagi Meri,

Koi Nawaz De Aa Kar Mujhe Mohabbaton Se.

£ØVIÑG '$' €¥€$