Khamoshi Dair Tak Nahi Tooti ( Poetry by Kanwal Hussain n Designed by Ahmad Ali )

Click on pic for full view

Khamoshi

Dair Tak Nahi Tooti

Jaan Leva Bara Tha Sannata

Main Ne Ghabra K Aaina Dil Ka

Hath Se Patharon Pe Phaink Diya

Kanwal Hussain

Tumhain Jane Ki Jaldi Hai ( Poetry by Fakhra Gul n Designed by Guddo )

Click on pic for full view

Tumhain Jane Ki Jaldi Hai

Wgarna
Judai Ki Sabhi Rasmain
Chalo Hum Bhi Nibha Lete
Wo Sari Ankahi Baten
K Jin Ka Bojh Hai Dil Per
Wo Sab Tum Ko Suna Dete
Tumhain Ye Bhi Bata Dete
K Tum Bhi Zindagi Apni
Faqat Ik Istara Hai
Magar Ab Sochte Hain Hum
Tumhain Jane Ki Jaldi Hai
To Phir Yon Hi Sahi Lekin
Kabi Ye Sochna Bhi Mat
Tumhain Wapis Bulaen Gey
Ye Tum Bhi Jante Ho Gey
K Wapis Aane Walon Main
Wo Apna Pan Nahi Rehta
Wo Chalna Sath Chahen To
Kabi Manzil Nahi Milti
Kabi Rasta Nahi Milta
To Bas Tum Ko Batana Hai
Nibhana Apni Baton Ka Bharam
Hum Ko Bhi Aata Hai
Ye Maana Bin Tumhare
Saans Ka Aana Bhi Mushkil Hai
Magar Tum Dekhna Janaa
Tumhain Jee Kar Dikhaen Gey
K Jeena Sab Ko Aata Hai
Fakhra Gul

Aao Baten Karen ( Poetry by Nusrat Naseem n Designed by Passion Creations )

Click on pic for full view

Aao Baten Karen

Un Ki Baten Karen

Ah Jin K Baghair Apni Ye Zindagi Bemaza Ho Gai

Aur Juda Ho Gaye

Rahaton K Wo Din Chahaton K Wo Din

Aalam-e-Khawab Main Jo Guzar Hi Gaye

Tum Humari Suno Hum Tumhari Sunen

Dard Ki Dastan

Karb Wo Bekaran

Dil Pe Jo Baar Hai

Le K Chalna Jise Sath Dushwar Hai

Jo Na Ho Km Magar

Sath Do Tum Agar

Lamha Bhar Ko Sahi Aik Pal Ko Sahi

Kuch Sakoon To Mile Ye Janoon To Taley

Go K Hum Jante Hain Ye Sab

Baat Karne Se To Baar Ghat'ta Nahi

Bantne Se Kabi Dard Bat'ta Nahi

Phir Bhi Baten Karen

Dil Ki Baten Karen

Aao Baten Karen

Nusrat Naseem

Mohabbat K Ye Saare Rang ( Poetry by Fakhira Batool n Designed by Jawaid Khan )

Click on pic for full view

Koi Kab Bhool Sakta Hai

Kabi Zeest Main Saare Warq

Purzon Ki Soorat Ho Chuke Phir Bhi

Wo Pehla Rang Jo Aankhon Main Jaga Tha

Wo Pehla Naam Jo Acha Mere Honton Ko Laga Tha

Wo Gaon Ki Kachi Si Pagdandi

Wo Pehli Rut Ki Mohabbat

Wo Ik Anjan Sa Sandesa Teri Shokh Aankhon Ka

Haya Se Wo Mera Palken Jhuka Dena

Wo Na Karte Huey Masoom Sa Iqrar Kar Dena

Wo Haan Kehte Huey Besakhta Inkar Kar Dena

Mohabbat K Ye Saare Rang

Koi Kab Bhool Sakta Hai

Fakhira Batool

Kabi Tum Kuch To Bolo Na ( Poetry by Nusrat Naseem n Designed by Passion Creations )

Click on pic for full view

"Kabi tum kuch to bolo na"
Jo dil main Hain wo sab baten,
Judai k ye tapte din kaise bit'te mujh bin,
Guzarti kaise Hain raten,
Jalati Hain tere dil ko b Kia saawan ki barsaten,
Kabi tum kuch to bolo na
Jahan bhi jao tum meri Kami mehsoos karte ho,
Dekhai deti hai Surat meri her ik chehre main
Mere bin zindagi hi ajnabi mehsoos karte ho,
Bohat din se sulagte Hain hum is aag main janaa
Agr dil main koi jazba panapta hi nahi to phir
Km az km itna hi keh do
Tumhari zindgi main hum koi ma'ani nahi rakhte,
Khudara chup na raho yon
Qafl-e-lab ko khulo na,

"Kabi tum kuch to bolo na"
Nusrat Naseem

Tumhain Dil Se Bhulane Ki ( Designed by Khan Jan )

Click on pic for full view

 

Tumhain Dil Se Bhulane Ki

Shaori Koshishen Kar K

Tumhain Na Yaad Karne Ki

Zaroori Koshishen Kar K

Main Khud Hi Thak Gia Hon Ab

Adhoori Koshishen Kar K

Bas Itna Sa Haq ( Poetry by Rabia Basri n Designed by Guddo )

Click on pic for full view

Bas Itna Sa Haq

Tera Aaj Aur Kal

Tera Her Aik Pal

Tera Wisal, Usey Mubarak

Mujhe Qurbaton Se Kia Lena

Khushiyon Main Bhala Mera Kia Hissa

Bas Itna Karna

Dukh K Zard Lamhon Main

Mujhe Dehan Main Le Aana

Jaan Lena

K Dard K In Lamhon Main

Main Bhi Behaal Ho K

Sir Sajde Main Rakhe

Tere Hissey K Dukh

Apne Daaman Main Bhar Jane Ki

Dua Mangon Gi

Itna To Kar Sakti Hon Na

Itna Sa Haq To Do Gey???

Rabia Basri

Waqt-e-Maghrab Hai Ye ( Poetry by Noshi Gillani n Designed by Pasha Shah )

Click on pic for full view

Waqt-e-Maghrab Hai Ye

Hath Uthte Nahi Hain Dua K Liye

Zabt-e-Gham Thak Gia

Hosla Batt Gia

Aik Heran Thehri Hui Ye Fiza

Na Koi Wisal Ka Khawab Aankhon Main

Na Koi Hijer Ki Sham Yadon Main Hai

Sajda-e-Ishq Bhi

Aaj Meri Jabeen Per Simatne Laga

Wo Jo Badal Yaqeen Ka Tha Chatne Laga

Sans Rukne Lagi Dil Bhatakne Laga

Ay Mere Rab Mehr-o-Wafa

Ik Nazar

Ho Koi Mojza

Waqt-e-Maghrab Hai Ye

Hath Uthte Nahi Hain Dua K Liye

Noshi Gillani

Tum Mere Paniyon Ka Safar Karne Wali ( Designed by Guddo )

Click on pic for full view

Tum Mere Paniyon Ka Safar Karne Wali

Wo Pehli Sada Ho

Jise Main Ne Apne

Hazaron Baras Pehle

Khoye Kinaron Ki Daryaft Ka

Dukh Diya Tha

Tum Jo Chaho To Hum ( Poetry by Farhat Abbas Shah n Designed by Bisma's Arts )

Tum Jo Chaho To Hum

Aaj Bhi Apni Sanson

Ka Her Sur Tumhain Sonp Den

Sirf Beeti Hui

Chahaton K Iwaz

Farhat Abbas Shah

Hijraton K Mousam Main ( Poetry by Fakhra Gul n Designed by Passion Creations )

Click on photo to view in full size

Tanbih
Hijraton K Mousam Main
Ghar Se Jab Nikalna Ho
Itna Yaad Rakh Lena
Ghar Se Jane Wale Sab
Manzilen Nahi Paate
Hijer Ki Tamazat Ko
Phool Jaise Ye Chehre
Hans K Seh Nahi Paate
Hijraton K Mousam Main
Ghar Se Jab Nikalna Ho
Itna Yaad Rakh Lena
Umer Bhar K Bandhan Main
Gr Duaen Shamil Hon
Umer Bhar K Rishton Ki
Tab Ye Mo'atbar Hon Ge
Maa K Pyar Ki Manind!
Warna Thar K Sehra Ki
Ajnabi Fizaon Main
Khak Aur Khawahish Ka
Ik Ghazaal-e-Ram Khorda
Ik Misaal Zinda Hai
Hijraton K Mousam Main
Ghar Se Aane Walon Ki.....
Fakhra Gul

Mousam Us Din Kyon Roya Tha ( Poetry by Aatif Saeed n Designed by Passion Creations )

Aaj Bhi Waise Hi Badal Hain

Aaj Bhi Waisa Hi Mousam Hai

Jab Hum Pehli Baar Mile They

Yaad Hai Hum Ne Ye Socha Tha

Hum Ko Milte Dekh K Mousam

Itna Khush Hai, Itna Khush K

Us Ki Aankhen Bheeg Gai Hain

Aaj Magar Hum Jaan Gaye Hain!

Mousam Us Din Kyon Roya Tha

Aatif Saeed

Her Ghazal Ka Kanwal ( Poetry by Mohsin Naqvi n Designed by Sunny Shah )

Nehkton Se Bhari

Ambreen Sa'aton

Yam Ba Yam Rahaton

Muskuraton Hui Sooraton K Liye

Hanste Baste Badan Ki

Mehakte Baste Badan Ki

Subho Jaisi Kiran Kaanch

Barfab Si Mooraton K Liye

Us K Nazuk Nafs

Husn K Naam Hai

Her Ghazal Ka Kanwal

Mohsin Naqvi

Kis Ko Fursat Hai ( Poetry by John Elia n Designed by Asma Duaa )

Kis Ko Fursat Hai

Mujh Se Behs Kare

Aur Sabir Kare K

Mera Wajood

Zindagi K Liye

Zaroori Hai

John Elia

Mohabbat Ka Aik Din ( Designed by Dagger's Art )

Mohabbat Ka Aik Din

Meri Nazar Karne Wale

Aik Pal

Haan Sirf Aik Pal

Meri Zindagi Jee Kar To Dekh

Main Bhi Aam Si Larki Hon ( Poetry of Rabia Basri n Designed by Guddo )

Main Bhi Aam Si Larki Hon

Tum Ne Mujhe Koi Sangi Mujasma Hi Samjha

K Jis Per Koi Baat, Koi Dukh

Koi Takleef Asar Nahi Karti

Mere Dosto!

Dhoop Ki Chubhan Mujhe Bhi Hoti Hai

Kisi Ka Sakht Lehja Mujhe Bhi Mehsoos Hota Hai

Baton K Teer Mujhe Bhi Lagte Hain

Kisi Mazboot Bazu Ka Hassaar Mujhe Bhi Chahiye

Aik Aitbar Mujhe Bhi Chahiye

Aik Ghar Aik Dareechey Ki Khawahish Mujhe Bhi Hai

Main Koi Sangi Mujasma Nahi Hon

Bohat Aam Si Larki Hon

Kash! Tum Ne Mujhe Kabi Khas Na Samjha Hota

Rabia Basri

Wo Mujhe Mila Hota ( Poetry of Mehroo Ali n Designed by Shahid Ali Kiyani )

Aasman K Maalik Se

Do Jahan K Khaliq Se

Sirf Itna Chaha Hai

Sirf Itna Manga Hai

Roz-o-Shab Riyazat Ka

Pur Khaloos Chahat Ka

Be Panah Mohabbat Ka

Itna To Sila Hota

Wo Mujhe Mila Hota

Mehroo Ali

Main Ne Tum Se Tumhain Manga ( Designed by Guddo )

Shikwa

Main Ne Tum Se Tumhain Manga

To Tum Muskura Diye

Tum Ye Bhi To Keh Sakte They

K...

Apni Cheezain Manga Nahi Karte

Kuch Kaghaz Gungey Lafzon K ( Poetry of Athar Hamdani n Designed by Sunny Shah )

Amaanat

Kuch Kaghaz Gungey Lafzon K

Kuch Rang Barangi Si Yaden

Kuch Sookhey Phool Gulabon K

Kuch Khawab Adhoori Raton K

Un Khawabon Ki Kuch Tabeeren

Kuch Gungi Behri Tasweeren

Mere Pas Amaanat Hain Teri

Jab Chaho Aa Kar Le Jana!!!

Athar Hamdani

Koi Aisa Bhi Lamha Ho ( Poetry of Nusrat Naseem n Designed by Passion Creations )

Koi Aisa Bhi Lamha Ho

Koi Aisa Bhi Lamha Ho

Pukaron Jab Tujhe Janaa!

Sadaa Pohnchey Tere Dil Tak

Tujhe Main Dekhna Chahon

Tu Meri Dastras Main Ho

 

Koi Aisa Bhi Lamha Ho

K Rah-e-Zeest Main Janaa!

Tu Mere Sath Ho, Hathon Ko Mere Thaam Rakha Ho

Agar Main Dasht-e-Ulfat Main Qadam Rakhon

Tu Mera Humsafar Bhi Ho

Tu Mera Rehbar Bhi Ho

 

Koi Aisa Bhi Lamha Ho

Main Tere Sath Ho Jaon

To Meri Zindagi Aasaan Ho Jaye

Jo Tu Ne Mujh Se Bhandha Tha Kabi Janaa!

Wohi Toota Hua Pemaan Hi Sahi

Phir Se Wohi Pemaan Ho Jaye!

To Kuch Din Aur Jeene Ka Mujhe Imkaan Ho Jaye

Nusrat Naseem