Tumhain Jane Ki Jaldi Hai ( Poetry by Fakhra Gul n Designed by Guddo )

Click on pic for full view

Tumhain Jane Ki Jaldi Hai

Wgarna
Judai Ki Sabhi Rasmain
Chalo Hum Bhi Nibha Lete
Wo Sari Ankahi Baten
K Jin Ka Bojh Hai Dil Per
Wo Sab Tum Ko Suna Dete
Tumhain Ye Bhi Bata Dete
K Tum Bhi Zindagi Apni
Faqat Ik Istara Hai
Magar Ab Sochte Hain Hum
Tumhain Jane Ki Jaldi Hai
To Phir Yon Hi Sahi Lekin
Kabi Ye Sochna Bhi Mat
Tumhain Wapis Bulaen Gey
Ye Tum Bhi Jante Ho Gey
K Wapis Aane Walon Main
Wo Apna Pan Nahi Rehta
Wo Chalna Sath Chahen To
Kabi Manzil Nahi Milti
Kabi Rasta Nahi Milta
To Bas Tum Ko Batana Hai
Nibhana Apni Baton Ka Bharam
Hum Ko Bhi Aata Hai
Ye Maana Bin Tumhare
Saans Ka Aana Bhi Mushkil Hai
Magar Tum Dekhna Janaa
Tumhain Jee Kar Dikhaen Gey
K Jeena Sab Ko Aata Hai
Fakhra Gul

Khawab Aur Khushbu ( Designed by Raja Azhar )

Click on pic for full view

Khawab Aur Khushbu

Dono Hi Azad Ro Hain

Dono Qaid Nahi Ho Sakte

Mere Khawab

Tumhari Khushbu...!!

Mohabbat K Ye Saare Rang ( Poetry by Fakhira Batool n Designed by Jawaid Khan )

Click on pic for full view

Koi Kab Bhool Sakta Hai

Kabi Zeest Main Saare Warq

Purzon Ki Soorat Ho Chuke Phir Bhi

Wo Pehla Rang Jo Aankhon Main Jaga Tha

Wo Pehla Naam Jo Acha Mere Honton Ko Laga Tha

Wo Gaon Ki Kachi Si Pagdandi

Wo Pehli Rut Ki Mohabbat

Wo Ik Anjan Sa Sandesa Teri Shokh Aankhon Ka

Haya Se Wo Mera Palken Jhuka Dena

Wo Na Karte Huey Masoom Sa Iqrar Kar Dena

Wo Haan Kehte Huey Besakhta Inkar Kar Dena

Mohabbat K Ye Saare Rang

Koi Kab Bhool Sakta Hai

Fakhira Batool

Tu Wohi Khawab Hai ( Designed by Hass )

Click on pic for full view

Jo Barson Meri

Palkon Main Tha

Tu Wohi Khawab Hai

Tum Mere Paniyon Ka Safar Karne Wali ( Designed by Guddo )

Click on pic for full view

Tum Mere Paniyon Ka Safar Karne Wali

Wo Pehli Sada Ho

Jise Main Ne Apne

Hazaron Baras Pehle

Khoye Kinaron Ki Daryaft Ka

Dukh Diya Tha

Tum Jo Chaho To Hum ( Poetry by Farhat Abbas Shah n Designed by Bisma's Arts )

Tum Jo Chaho To Hum

Aaj Bhi Apni Sanson

Ka Her Sur Tumhain Sonp Den

Sirf Beeti Hui

Chahaton K Iwaz

Farhat Abbas Shah

Hijraton K Mousam Main ( Poetry by Fakhra Gul n Designed by Passion Creations )

Click on photo to view in full size

Tanbih
Hijraton K Mousam Main
Ghar Se Jab Nikalna Ho
Itna Yaad Rakh Lena
Ghar Se Jane Wale Sab
Manzilen Nahi Paate
Hijer Ki Tamazat Ko
Phool Jaise Ye Chehre
Hans K Seh Nahi Paate
Hijraton K Mousam Main
Ghar Se Jab Nikalna Ho
Itna Yaad Rakh Lena
Umer Bhar K Bandhan Main
Gr Duaen Shamil Hon
Umer Bhar K Rishton Ki
Tab Ye Mo'atbar Hon Ge
Maa K Pyar Ki Manind!
Warna Thar K Sehra Ki
Ajnabi Fizaon Main
Khak Aur Khawahish Ka
Ik Ghazaal-e-Ram Khorda
Ik Misaal Zinda Hai
Hijraton K Mousam Main
Ghar Se Aane Walon Ki.....
Fakhra Gul

Jo Us K Chehre Pe Rang-e-Haya Thehar Jaye ( Poetry by Farhat Abbas Shah n Designed by Bisma's Arts )

Jo Us K Chehre Pe Rang-e-Haya Thehar Jaye

To Saans, Waqt, Samundar, Hawa Thehar Jaye

Wo Muskuraye To Hans Hans Paren Kaie Mousam

Wo Gungunaye To Baad-e-Saba Thehar Jaye

Sabk Kharaam Saba Chaal Chal Pare Jab Bhi

Hazaar Phool Sir Rah Aa Thehar Jaye

Main Us Ki Aankhon Main Jhankon To Jaise Jam Jaon

Wo Aankh Jhapke To Chahon Zra Thehar Jaye

Farhat Abbas Shah

Her Ghazal Ka Kanwal ( Poetry by Mohsin Naqvi n Designed by Sunny Shah )

Nehkton Se Bhari

Ambreen Sa'aton

Yam Ba Yam Rahaton

Muskuraton Hui Sooraton K Liye

Hanste Baste Badan Ki

Mehakte Baste Badan Ki

Subho Jaisi Kiran Kaanch

Barfab Si Mooraton K Liye

Us K Nazuk Nafs

Husn K Naam Hai

Her Ghazal Ka Kanwal

Mohsin Naqvi

Mohabbat K Is Pehle Sunehre Safar Main ( Designed by Creative Sign )

Mohabbat K Is Pehle Sunehre Safar Main

Meri Ye Dua Hai K

Tumhain Khushiyon K Hazaron Jazeerey Milen

Aur Mujhe Tumhari Mohabbat...!!

Yaad Main Tumhari Janaa Kamal Ab Bhi Hai ( Poetry of Sada Hussain Sada n Designed by Passion Creations )

Haan Gai Ruton Ka Dil Ko Malal Ab Bhi Hai
In Udaas Aankhon Main Ik Khayal Ab Bhi Hai
Dosh Den To Kaise Ik Dosre Ko Hum Dono
Bewafa Wo Tha Ya Main Ye Sawal Ab Bhi Hai
Naam Len Tumhara To Phool Khil Uthen Dil Main
Yaad Main Tumhari Janaa Kamal Ab Bhi Hai
Nochti Hai Tanhai, Be kali Main Guzren Pal
Yaar Bin Tumhare Jeena Mahal Ab Bhi Hai
Dekh Ho Gia Shair Waste Tumhare Main
Her Ghazal Main Meri, Tera Jamal Ab Bhi Hai
Parh Sakoon Main Chehre, Aata Nahi Hunar Ye Bhi
Jaan Ko Meri Kyon Kar Ye Wabal Ab Bhi Hai
Chah K Bhi Sada Haal-e-Dil Na Keh Saka Us Se
Lafz Lafz Mera Dekho Nidhal Ab Bhi Hai

Sada Hussain Sada

Wo Mujhe Mila Hota ( Poetry of Mehroo Ali n Designed by Shahid Ali Kiyani )

Aasman K Maalik Se

Do Jahan K Khaliq Se

Sirf Itna Chaha Hai

Sirf Itna Manga Hai

Roz-o-Shab Riyazat Ka

Pur Khaloos Chahat Ka

Be Panah Mohabbat Ka

Itna To Sila Hota

Wo Mujhe Mila Hota

Mehroo Ali

Mere Khawab Mujh Se Kabi Baat Kar ( Poetry of Naheed Virk n Designed by Abu Hamza )

Mere Khawab Mujh Se Kabi Baat Kar

Mere Taalu Se Chipke Huey Saare Wo Lafz Parh Jo

Kabi Tujh Se Main Keh Na Pai

Mere Khawab Tu Meri Takmeel Kar

Koi Jugnu, Mohabbat, Dua Ban Kar Tabeer Main Dhal

Kisi Lams Ka Koi Marham Meri Rooh K Ghao Per Rakh

Nahi To

Shab-o-Roz Ka Khokhla Silsila Khatam Kar

Jahan Phaili Tanhai Ki Aag Main

Rooh Ko Yon Na Jalna Pare

Dukh Ki Lehron K Phaile Huey Jaal Main

Paon Apna Na Dharna Pare

Naheed Virk

Main Ne Tum Se Tumhain Manga ( Designed by Guddo )

Shikwa

Main Ne Tum Se Tumhain Manga

To Tum Muskura Diye

Tum Ye Bhi To Keh Sakte They

K...

Apni Cheezain Manga Nahi Karte

Mohabbaton Main Humen Wo Misaal Hona Hai ( Poetry of Wasi Shah n Designed by Creative Sign )

Milen Gi Hum Ko Bhi Apne Naseeb Ki Khushiyan

Bas Intezar Hai Kab Ye Kamaal Hona Hai

Her Aik Shakhs Chale Ga Humari Rahon Per

Mohabbaton Main Humen Wo Misaal Hona Hai

Wasi Shah

Eid Ka Chand ( Poetry of Saghar Siddiqui )

Chaak Daaman Ko Jo Dekha To Mila Eid Ka Chand

Apni Tasweer Kahan Bhool Gia Eid Ka Chand

Un K Abroye Khamida Ki Tarha Teekha Hai

Apni Aankhon Main Bari Dair Chubha Eid Ka Chand

Door Veeran Baserey Main Diya Ho Jaise

Gham Ki Deewar Se Dekha To Laga Eid Ka Chand

Saghar Siddiqui

Tumhari Yaad Jeevan Hai ( Poetry of Aatif Saeed n Designed by Guddo )

Kisi Mousam Main Bhi

Jo Meri Yaad Ka Dil Se

Kabi Jo Rabta Toote

To Dil Ko Dosh Mat Dena

Samajh Lena

K Jo Tum Se Ye Kehta Tha

Tumhari Yaad Jeevan Hai

Wo Ab Aisa Nahi Kehta

Aatif Saeed

Janaa Tum Ne Dair Laga Di ( Poetry of Fakhra Gul n Designed by Shahid Ali Kiani )

Janaa Tum Ne Dair Laga Di

Wo Sab Kehne Main

Jin Meethey Bolon Ki Khatir

Hum Ne Apni Umer Ganwa Di

Ab Aaye Ho...

Waqt Ne Jab Aankhon Per Sham Bitha Di

Janaa Tum Ne Dair Laga Di

Fakhra Gul

Tumhain Kabi Humari Yaad Aaye Gi?

Zra Thehro Chale Jana

Mujhe Kuch Tum Se Kehna Hai

Bohat Waqt Nahi Lena

Mukhtasir Si Baat Kehni Hai

Na Dukh Apna Sunana Hai

Na Koi Faryad Karni Hai

Ek Larki Uljhi Suljhi Si

Aik Larki Uljhi Suljhi Si

Jo Khud Main Gum Sum Rehti Thi

Yonhi Bethey Bethey Hans Deti

Kabi Hanste Hanste Ro Deti

Najane Us Ko Gham Tha Kia

Jo Aksar Chup Chap Rehti Thi

Shagufta Basit