Raat Yon Dil Main Teri Khoi Hui Yaad Aai ( Poetry by Faiz Ahmed Faiz n Designed by Rapunzel )

Click on pic for full view

Raat Yon Dil Main Teri Khoi Hui Yaad Aai

Jaise Veerane Main Chupke Se Bahaar Aa Jaye

Jaise Sehraon Main Holey Se Chale Baad-e-Naseem

Jaise Bemaar Ko Bewaja Qarar Aa Jaye

Faiz Ahmed Faiz

Is Tarha Hon Tere Khayal Main Gum ( Poetry by Aatif Saeed n Designed by Rapunzel )

Click on pic for full view

Is Tarha Hon Tere Khayal Main Gum

Aaina Aainon K Jaal Main Gum

Wo Bhi Deta Nahi Khabar Apni

Main Bhi Rehta Hon Apne Haal Main Gum

Aatif Saeed

Haasil Her Aik Cheez Hai Haasil Nahi Hai Wo ( Poetry by Alam Khursheed n Designed by Anamika )

Dunia Ki Bhaag Dorr Ka Hasil Yehi To Hai

Haasil Her Aik Cheez Hai Haasil Nahi Hai Wo

Alam Khursheed

Bheegi January Phir Lout Aai Hai ( Designed by Guddo )

Wohi Galiyan Wohi Kooche Wohi Sardi Ka Mousam Hai

Isi Andaz Se Apna Nizam-e-Zeest Barham Hai

Ye Husn-e-Itefaq Aisa K Nikhri Chandni Bhi Hai

Wohi Her Simt Veerani, Udasi Tishnagi Si Hai

Wohi Hai Bheer Sochon Ki Wohi Tanhaiyan Phir Se

Musafir Ajnabi Aur Dasht Ki Pehnaiyan Phir Se

Mujhe Sab Yaad Hai Kuch Saal Pehle Ka Qissa Hai

Wohi Lamha To Veerane Ka Aan Abaad Hissa Hai

Meri Aankhon Main Wo Ik Lamha Mojood Ab Bhi Hai

Wo Zinda Raat Ki Tanhai Main Sargoshiyan Ki Thien

Kisi Ki Narm Guftari Ne Dil Ko Loriyan Di Thien

Kisi Ne Meri Tanhai Ka Sara Karb Banta Tha

Kisi Ne Raat Ki Chunri Main Roshan Chand Taanka Tha

Chamakte Jugnuon Ka Sell Ik Bakhsha Tha Raton Ko

Dharkta Sa Naya Unwan Diya Tha Mere Khawabon Ko

Mere Shairon Main Ilhaam Ki Soorat Wo Utra Tha

Maani Ban K Jo Lafzon Main Pehli Baar Dharka Tha

Wo Jis K Hone Se Zindagi Naghma Sarai Hai

Usey Kehna! Bheegi January Phir Lout Aai Hai

Meri Zindagi Hai Tu ( Designed by Pasha Shah )

Meri Saari Umer Main

Aik Hi Kami Hai Tu

Meri Zindagi Hai Tu

Is Shehar Main Sab Kuch Hai Bas Teri Kami Hai

Khushbuon K Jazeeron Se Sitaron Ki Hadon Tak

Is Shehar Main Sab Kuch Hai Bas Teri Kami Hai

Bekhudi Main Tumhain Jab Yaad Karta Hon ( Poetry of Sada Hussain Sada n Designed by Passion )

Bekhudi Main Tumhain Jab Yaad Karta Hon

Tujh Se Milne Ki Phir Faryad Karta Hon

Roz Hi Yaad Main Teri Ghazal Keh Kar

Roz Ik Gham Naya Ejad Karta Hon

Kab Gawara Hai Dil Ko Bhoolna Tera

Chain Apna Main Yon Barbad Karta Hon

Phail Jati Hai Kamre Main Teri Khushbu

Main Khayalon Ko Jab Azaad Karta Hon

Bas K Mehsoos Hoti Hai Kami Teri

Besabab Dil Ko Kab Nashad Karta Hon

Sochta Hon Kahan Jaen Ye Ranj-o-Gham

Begharon Ko Sada Aabad Karta Hon

Sada Hussain Sada

Shab-e-Tanhai Main Izafa Bechaini ( Designed by Atif Saeed )

Shab-e-Tanhai Main Izafa Bechaini

Ek Tera Khayal Na Aana, Doosra Tera Jawab Na Aana

Kyon Rote Hain Us Ki Yaad Main Hum ( Designed by Hooria Naaz )

Kyon Rote Hain Us Ki Yaad Main Hum

Aansuon Se Taqdeer Badalti To Aaj Wo Humara Hota

Main Apni Chahton Ka Hissa Lene Jo Beth Jaon ( Designed by Khan Jan )

Main Apni Chahton Ka Hissa Lene Jo Beth Jaon

Tum To Sirf Mera Yaad Karna Bhi Na Lota Sako

Kadi Aa Mil Sanwal Yaar Ve ( Designed by Atif Saeed )

Kadi Aa Mil Sanwal Yaar Ve

Mere Loon Loon Cheenkh Pukar Ve

Aaj To Aa Ja Zabt K Sare Hi Bandhan Tor Kar ( Designed by Khan Jan )

Aaj To Aa Ja Zabt K Sare Hi Bandhan Tor Kar

Aaj Phir Arooj Per Hai Dard Bhi Tanhai Bhi Aur Teri Yaad Bhi

Bohat Yaad They Tum Magar Bhool Bethey ( Poetry of Sada Hussain Sada n Designed by Faisals )

Bohat Yaad They Tum Magar Bhool Bethey

Fasana Jo Tha Mukhtasir Bhool Bethey

K Ab Yaad Aate Ho Bas Rog Ban Kar

Mohabbat Ki Tum Bhi Qadar Bhool Bethey

Sada Hussain Sada

Itne Phool Khilaye Is Dil Me, Ghar Ko Sajana Bhool Gaye

Itne Phool Khilaye Is Dil Me

Ghar Ko Sajana Bhool Gaye

Mehfil Me Wo Kia Aaye

Hum Shamma Jalana Bhool Gaye

Tumhain Kabi Humari Yaad Aaye Gi?

Zra Thehro Chale Jana

Mujhe Kuch Tum Se Kehna Hai

Bohat Waqt Nahi Lena

Mukhtasir Si Baat Kehni Hai

Na Dukh Apna Sunana Hai

Na Koi Faryad Karni Hai

Khawab Sajane Wali Aankhen ( Poetry of Aatif Saeed n Designed by Maira Haider )

Khawab Sajane Wali Aankhen

Pal Bhar Main Banjar Ho Jaen

Rasta Takte Takte Thak Kar

Umeeden Pathar Ho Jaen

Lab Per Thehri Ho Khamoshi

Aur Seene Main Hashar Bpa Ho

Lafzon Ki Maala Ka Dhaaga

Beech Se Jaise Toot Gia Ho

Bhooli Bisri Sari Baten

Main Bhi Shayd Yaad Bana Lon

Bhool K Apne Dukhre Sare

Honton Pe Muskan Saja Lon

Tum Dhoondo Phir Mujh Main Mujh Ko

Aur Main Khud Main Gum Ho Jaon

Aisa Bhi To Ho Sakta Hai

Main Bhi Ik Din Tum Ho Jaon

Aatif Saeed