Khawab Aur Khushbu ( Designed by Raja Azhar )

Click on pic for full view

Khawab Aur Khushbu

Dono Hi Azad Ro Hain

Dono Qaid Nahi Ho Sakte

Mere Khawab

Tumhari Khushbu...!!

Ik Us K Lams Ka Ehsas Ho Aur Hayat Lout Aaye ( Poetry by Faisal Shabir n Designed by Waheed's Art )

Click on pic for full view

Jo Kahi Us Ne Sargoshi Main Wo Baat Lout Aaye
Teri Yaad Ho Sath Aur Wisal Ki Her Soghat Lout Aaye Aaye
Ye Mousam-e-Hijer Tall Jaye Aur Khil Uthey Bahaar
Ik Us K Lams Ka Ehsas Ho Aur Hayat Lout Aaye
Main Nahi Tanha K Wo Shamil Hai Mujh Me Is Qadar
Jo Wo Nikle To Tanhai Main Meri Zaat Lout Aaye
Na Ho Paas-e-Aadab-e-Talab Ab Jab K
WO Sath Ho Mere Aur Wisal Ki Ik Raat Lout Aaye
Is Chashm-e-Sehra Ko Ab Ashk Ki Boond Bhi Hasil Nahi
Ik Lamha Jo Deedar Ho Tera To Barsat Lout Aaye
Ab To Tabeer Ki Hasrat Nahi Rahi Mujh Ko Faisal
Jise Dhondta Hon Main Her Shab Wo Khawab Lout Aaye

Faisal Shabir

Hum Aur Tum ( Poetry by Aleena Itrat Rizvi n Designed by Shakeel Khan )

Click on pic for full view

Raat, Khawab, Khamoshi Aur Hum

Meelon Lambe Raste Aur Tum

Aleena Itrat Rizvi

Tu Wohi Khawab Hai ( Designed by Hass )

Click on pic for full view

Jo Barson Meri

Palkon Main Tha

Tu Wohi Khawab Hai

Ab Tere Khawab Kon Dekhe Ga ( Designed by Raja Azhar )

Meri Neendein Ujarne Wale

Ab Tere Khawab Kon Dekhe Ga

Mere Khawab Mujh Se Kabi Baat Kar ( Poetry of Naheed Virk n Designed by Abu Hamza )

Mere Khawab Mujh Se Kabi Baat Kar

Mere Taalu Se Chipke Huey Saare Wo Lafz Parh Jo

Kabi Tujh Se Main Keh Na Pai

Mere Khawab Tu Meri Takmeel Kar

Koi Jugnu, Mohabbat, Dua Ban Kar Tabeer Main Dhal

Kisi Lams Ka Koi Marham Meri Rooh K Ghao Per Rakh

Nahi To

Shab-o-Roz Ka Khokhla Silsila Khatam Kar

Jahan Phaili Tanhai Ki Aag Main

Rooh Ko Yon Na Jalna Pare

Dukh Ki Lehron K Phaile Huey Jaal Main

Paon Apna Na Dharna Pare

Naheed Virk

Kuch Kaghaz Gungey Lafzon K ( Poetry of Athar Hamdani n Designed by Sunny Shah )

Amaanat

Kuch Kaghaz Gungey Lafzon K

Kuch Rang Barangi Si Yaden

Kuch Sookhey Phool Gulabon K

Kuch Khawab Adhoori Raton K

Un Khawabon Ki Kuch Tabeeren

Kuch Gungi Behri Tasweeren

Mere Pas Amaanat Hain Teri

Jab Chaho Aa Kar Le Jana!!!

Athar Hamdani

Ghairat-e-Muslim Ab Zinda Na Rahi ( Designed by Khan Jan )

Khawab Main Dekha Aanchal Hawwa Ki Beti K Sir Per Na Tha

Tabeer Batati Hai K Ghairat-e-Muslim Ab Zinda Na Rahi

Naie Subhain, Naie Shaamen, Naye Lamhe, Naye Saathi ( Poetry of Amjad Bukhari n Designed by Night Jasmine )

Saal-e-Nau

Naie Subhain, Naie Shaamen, Naye Lamhe, Naye Saathi

Magar Ik Main.....

K Jo Waise Ka Waisa Hon!

Furat-e-Waqt Pe Bikhre

Guzishta Saal Ki Saari

Adhoori Khawahishon K

Ann-ginat Tukron Ko Chunta Hon!

Unhain Ik Aik Kar K Jorta Hon

Shakal Deta Hon.....

Main Phir Ik Khawab Bunta Hon...!!

Amjad Bukhari

Mere Meharban Qasid ( Poetry of Mehroo n Designed by Fozi Khan )

Pegham

Mere Meharban Qasid!

Khawab Ki Musafat Pe

Jane Wale Rahi Ko

Sirf Itna Keh Dena

"Umer K Kawarron Pe

Jane Kitne Barson Ki

Gard Jam Gai Janaa

Tera Rasta Takte

Tere Dil Garifta Ki

Sans Tham Gai Janaa..!

Mehroo

Wo Is Andaz Ki Mujh Se Mohabbat Chahta Hai ( Designed by Guddo )

Wo Is Andaz Ki Mujh Se Mohabbat Chahta Hai

Mere Her Khawab Per Apni Hakumat Chahta Hai

Wo Kehta Hai Main Us Ki Zaroorat Ban Chuka Hon

To Goya Wo Mujhe Hisb-e-Zaroorat Chahta Hai

Chupke Chupke Ashk Sarhane Dhar Jata Hai ( Poetry of Mehru n Designed by Rapunzel )

Chupke Chupke Ashk Sarhane Dhar Jata Hai

Hijer Ka Neela Chand Bhi Ye Kia Kar Jata Hai

Tujh Tak Aate Aate Sadiyan Lag Jaen Gi

Tere Mere Beech Zamana Parh Jata Hai

Ye To Batao Mujh Ko Rehai Dene Walo

Rasta Bhool K Koi Kaise Ghar Jata Hai

Aankh Main Kuch Aisi Khamoshi Utri Hai

Khawab Bhi Apni Aahat Sun K Dar Jata Hai

Mehru

Khawab

Bari Mushkil Se Sulaya Hai Khud Ko Me Ne

Apni Aankhon Ko Tere Khawab Ka Lalach De Kar

Khawab Sajane Wali Aankhen ( Poetry of Aatif Saeed n Designed by Maira Haider )

Khawab Sajane Wali Aankhen

Pal Bhar Main Banjar Ho Jaen

Rasta Takte Takte Thak Kar

Umeeden Pathar Ho Jaen

Lab Per Thehri Ho Khamoshi

Aur Seene Main Hashar Bpa Ho

Lafzon Ki Maala Ka Dhaaga

Beech Se Jaise Toot Gia Ho

Bhooli Bisri Sari Baten

Main Bhi Shayd Yaad Bana Lon

Bhool K Apne Dukhre Sare

Honton Pe Muskan Saja Lon

Tum Dhoondo Phir Mujh Main Mujh Ko

Aur Main Khud Main Gum Ho Jaon

Aisa Bhi To Ho Sakta Hai

Main Bhi Ik Din Tum Ho Jaon

Aatif Saeed