Ajeeb Mousam-e-Dil Jaan K Paar Utra Hai ( Poetry of Nusrat Naseem n Designed by Passion Creations )

Ajeeb Mousam-e-Dil Jaan K Paar Utra Hai
Dhanak K Rang Main Saara Ghubar Utra Hai
Main Is Ka Shukar Karon Ya Karon Koi Shikwa
Khizan Ki Rut Main Jo Mousam-e-Bahar Utra Hai
Teri Khushi Isey Samjhon K Apni Mehroomi
Gham-e-Firaq Jo Be Ikhtiyar Utra Hai
Naya Nai Azm Naye Raston Pe Chal Niklen
Purani Rahon Se Jab Aitbar Utra Hai
Main Is Ko Kaise Sambhalon Ye Kaise Sambhale Ga
Jo Tere Baad Mere Dil Pe Baar Utra Hai
Nusrat Naseem

Yaktarfa Mohabbat Ka Nuqsan Bohat Hai

Yaktarfa Mohabbat Ka Nuqsan Bohat Hai

Dil Toot Jane Ka Imkan Bohat Hai

Hum Toot Kar Chahen Jise Usey Khabar Nahi

Is Amar Pe Hairan Dil Nadan Bohat Hai

Faryad Karti Ye Meri Tanhai

Bas Jao Is Dil Main Ye Veeran Bohat Hai

Hum Kahan Kisi K Aib Se Parda Uthaen Gey

Chunne Ko To Apna Hi Greban Bohat Hai

Mein aprein muqaddar koon ronda wadda haan ( Poetry of Shabbir Manzar n Designed by Passion Creations )

 Saraiki Ghazal

Muqaddar

Mein aprein muqaddar koon ronda wadda haan

te hanjuwaan dy moti pironda wadda haan

kisse juram di hai saza jehra ajj taein

mein dukh,dard zindgi dy dhonda wadda haan

mede ghar di chokhat toon sukh aa ke wal gaye

kisse simt bakhtaan dy sij wanj ke dhal gaye

karri sakht hijraan di rataan toon lar ke

mein roshan saher shab ich bhonda wadda haan

tamasha haan jug te tamasha sadendaan

mein moyaan dy wangoon zamane te jeendaan

misal haan mein kaein kacche koothy dy wangoon

jo tanzaan dy sawan toon chondha wadda haan

duaein vi mangdy aye lub suk gaye hin

arash te farash vich asar ruk gaye hin

kisse di taan manzoor arshaan te thi gai

jo khushiyan koon shabbir londha wadda haan

Shabbir Manzar

Ye Jo Deewane Se Do Chaar Nazar Nazar Aate Hain ( Poetry of Saghar Siddiqui n Designed by S M Arshad )

Ye Jo Deewane Se Do Chaar Nazar Nazar Aate Hain

In Main Kuch Sahib-e-Israr Nazar Aate Hain

Teri Mehfil Ka Bharam Rakhte Hain So Jate Hain

Warna Ye Log To Bedaar Nazar Aate Hain

Door Tak Koi Sitara Hai Na Koi Jugnu

Marg-e-Umeed K Aasaar Nazar Aate Hain

Mere Daaman Main Shararon K Siwa Kuch Nahi

Aap Phoolon K Kharidar Nazar Aate Hain

Kal Jinhe Choo Nahi Sakti Thi Farishton Ki Nazar

Aaj Wo Ronaq-e-Bazaar Nazar Aate Hain

Hashar Main Kon Qawahi Meri De Ga Saghar

Sab Tumhare Hi Tarafdaar Nazar Aate Hain

Saghar Siddiqui

Her Pal Dehan Main Basne Wale Log Fasane Ho Jate Hain ( Poetry of Amjad Islam Amjad n Designed by Night Jasmine )

Her Pal Dehan Main Basne Wale Log Fasane Ho Jate Hain

Aankhen Boorhi Ho Jati Hain Khawab Purane Ho Jate Hain

Sari Baat Talluq Wali Jazbon Ki Sachai Tak Hai

Mail Dilon Main Aa Jaye To Ghar Veerane Ho Jate Hain

Amjad Islam Amjad

Her Ik Pal Ka Talluq Tere Khayal Se Hai

Her Ik Pal Ka Talluq Tere Khayal Se Hai

Meri Ghazal Ka Talluq Tere Khayal Se Hai

Bhanda Hua Hai Teri Aarzu Se Sara Badan

Her Ik Amal Ka Talluq Tere Khayal Se Hai

Hui Hai Sham To Aankhon Main Bas Gia Phir Tu ( Poetry of Ahmed Faraz n Designed by Fozi Creations )

Hui Hai Sham To Aankhon Main Bas Gia Phir Tu

Kahan Gia Hai Mere Shehar K Musafir Tu

Bohat Udas Hai Ik Shakhs Tere Jane Se

Jo Ho Sake To Chala Aa Usi Ki Khatir Tu

Ahmed Faraz

Chup Na Rehte Byan Ho Jate ( Poetry of Noshi Gillani n Designed by Atif Saad )

Chup Na Rehte Byan Ho Jate

Tujh Se Gar Badguman Ho Jate

Zabt-e-Gham Ne Bacha Liya Warna

Hum Koi Dastan Ho Jate

Tu Ne Dekha Nahi Palat K Humen

Warna Hum Meharban Ho Jate

Tere Qisse Main Hum Bhala Khud Se

Kis Liye Badguman Ho Jate

Tere Dil Ki Zameen Hi Na Mili

Warna Hum Aasman Ho Jate

Noshi Gillani

Jan Kar Hum Ne Unhain Na Meharban Rehne Diya ( Poetry of Shagufta Basit n Designed by Creative Sign )

Jan Kar Hum Ne Unhain Na Meharban Rehne Diya

Wo They Is Main Khush To Un Ko Shadman Rehne Diya

Hum Ne Chehre Pe Jami Sab Dhool Dho Dali Magar

Dil Pe Teri Be Wafai Ka Nishan Rehne Diya

Hum Ne Un Ko Sonp Di Chahat Ki Sari Garmiyan

Aur Apne Aap Ko Shohla Byan Rehne Diya

Shagufta Basit

Unsiyat Pal Ki Rafaqat Ki Ataa Ho Shayd ( Poetry of Azhar Nazir n Designed by Atif Saad )

Unsiyat Pal Ki Rafaqat Ki Ataa Ho Shayd

Tujh Se Milna Hi Mohabbat Ki Khata Ho Shayd

Main Khafa Kar K Tujhe Chain Kabi Pa Na Saka

Mera Hi Aks Kaho Mujh Se Khafa Ho Shayd

Bas Tere Hijer Main Jalta Hon Tarap Jata Hon

Is Bhali Shay Ka Hi Bas Naam Wafa Ho Shayd

Mohammad Azhar Nazir

Mujhe Doston Ki Talash Hai ( www.urduartwork.blogspot.com )

Main Udas Rasta Hon Sham Ka

Mujhe Aahaton Ki Talash Hai

Ye Sitare Sab Hain Bujhe Bujhe

Mujhe Jugnuon Ki Talash Hai

Ye Khushi Hai Mujh Se Khafa Khafa

Mujhe Zindagi Ki Talash Hai

Meri Pyas Main Wo Talab Nahi

Mujhe Tishnagi Ki Talash Hai

Aik Hajoom Sa Hai Rawan Dhawan

Mujhe Doston Ki Talash Hai

Mujhe Jab Bhi Wo Milta Hai Wafaon Sa Lagta Hai ( Designed by Tipu Shaikh )

Mujhe Jab Bhi Wo Milta Hai Wafaon Sa Lagta Hai

Bari Shiddat Se Mangi Jo Duaon Sa Lagta Hai

Tujhe Kaise Bhula Paon Jahan Sara Her Lamha

Tumhare Pyar Se Mehki Adaon Sa Lagta Hai

Chupke Chupke Ashk Sarhane Dhar Jata Hai ( Poetry of Mehru n Designed by Rapunzel )

Chupke Chupke Ashk Sarhane Dhar Jata Hai

Hijer Ka Neela Chand Bhi Ye Kia Kar Jata Hai

Tujh Tak Aate Aate Sadiyan Lag Jaen Gi

Tere Mere Beech Zamana Parh Jata Hai

Ye To Batao Mujh Ko Rehai Dene Walo

Rasta Bhool K Koi Kaise Ghar Jata Hai

Aankh Main Kuch Aisi Khamoshi Utri Hai

Khawab Bhi Apni Aahat Sun K Dar Jata Hai

Mehru

Jab Saawan Booden Barsaya Kare ( Designed by Mr. Virgo )

Jab Saawan Booden Barsaya Kare

Hum Us Ko Bohat Yaad Aaya Karen

Sapne Bana Kar Apni Aankhon Se Wo

Mujhe Khayalon Me Samne Laya Kare

Geet Gaate Hain Jis Mosam Me Bulbul

Wo Bhi Sakhiyon Me Beth Kar Gungunaya Kare

Bohat Yaad They Tum Magar Bhool Bethey ( Poetry of Sada Hussain Sada n Designed by Faisals )

Bohat Yaad They Tum Magar Bhool Bethey

Fasana Jo Tha Mukhtasir Bhool Bethey

K Ab Yaad Aate Ho Bas Rog Ban Kar

Mohabbat Ki Tum Bhi Qadar Bhool Bethey

Sada Hussain Sada

Aflaak Se Aata Hai Nalon Ka Jawab Aakhir ( Designed by Abu Hamza n Poetry by Allama Iqbal )

Aflaak Se Aata Hai Nalon Ka Jawab Aakhir

Karte Hain Khitab Aakhir Uthte Hain Hijab Aakhir

Allama Iqbal

Ye Baat Waqt Se Pehle Kahan Samjhte Hain (Poetry by Alam Khursheed n Designed by Musa Art)

Ye Baat Waqt Se Pehle Kahan Samjhte Hain

Hum Ik Saraye Ko Apna Makaan Samjhte Hain

Yaqeen Kisi Ko Nahi Apni Be Sabati Ka

Sab Apne Aap Ko Shah-e-Zamaan Samjhte Hain

Alam Khursheed

Nahi Shaam-e-Safar Aisa Nahi Hai

Nahi Shaam-e-Safar Aisa Nahi Hai

Musafir Lout Kar Aaya Nahi Hai

Hum Itne Dukh Me Bhi Bikhre Nahi Hain

Humara Haal Tum Jaisa Nahi Hai

 

Tumhare Naam Ka Koi Bhi Aansu

Humari Aankh Me Thehra Nahi Hai

Fahrat Abbas Shah

Yonhi anjane main tum se rafaqat ho gai

Yonhi anjane main tum se rafaqat ho gai,

Dil lagi karne chale aur tum se chahat ho gai,

Tum na ho to main khud se hi ulajhta hon,

Kia karon mujhe tumhari aadat ho gai,

Main apne wajood main tum ko talaash karta hon,

Mujhe tum se is qadar mohabbat ho gai,

Mere paas aao to jee lon do pal,

Meri to her saans teri amaanat ho gai,

Main sochta tha tumhare aage zindagi kia hai,

Per tumhain chahne k liye zindagi zaroorat ho gai.

£ØVIÑG '$' €¥€$

Kabi Thak K So Gaye Hum

Kabi Thak K So Gaye Hum Kabi Raat Bhar Na Soye

Kabi Hans K Gham Chupaye Kabi Monh Chupa K Roye

Meri Dastan-e-Hasrat Wo Suna Suna K Roye

Mujhe Aazmane Wale Mujhe Aazma K Roye

Shab-e-Gham Ki Aap Beeti Jo Sunai Anjuman Main

Koi Sun K Muskuraye Koi Muskura K Roye

Parveen Shakir