Agar Par Jaye Aadat Aap Apne Sath Rehne Ki ( Designed by Nomi Khan )

Click on pic for full view

Agar Par Jaye Aadat Aap Apne Sath Rehne Ki

Ye Sath Aisa Hai K Insan Ko Tanha Nahi Hone Deta

Zameen Pairon Se Kitni Bar Din Main Nikalti Hai

Main Aise Hadson Per Dil Magar Chota Nahi Karta

Mohabbat Goliyon Se Boh Rahe Ho ( Poetry by Habib Jalib n Designed by Ali Abbasi )

Click on pic for full view

Mohabbat Goliyon Se Boh Rahe Ho

Watan Ka Chehra Khoon Se Dho Rahe Ho

Gumaan Tum Ko K Rasta Katt Raha Hai

Yaqeen Mujh Ko K Manzil Kho Rahe Ho

Habib Jalib

Aankhen ( Poetry by Khalid Malik Sahil, Fakhira Batool, Alam Khursheed n Designed by Shakeel Khan )

Click on pic for full view

Sham Se Beqarar Hain Aankhen

Dam Bah Dam Intezar Hain Aankhen

Hath Main Dil Nahi Raha Sahil

Aur Beikhtiyar Hain Aankhen

Khalid Malik Sahil

Ye Chand Ye Sooraj Ye Sitara Teri Aankhen

Sagar Ki Ye Mojen Ye Kinara Teri Aankhen

Poocha Gia Khawabon Ka Khalasa Bhi Koi Hai?

Besakhta Her Shakhs Pukara Teri Aankhen

Fakhira Batool

Agarcha Khud Ko Bohat Sharamsaar Karti Hain

Magar Ye Kaar-e-Janoon Bar Bar Karti Hain

Ab Apni Palken Kabi Jhapakti Nahi Kabi Aankhen

Bas Intezar..... Faqat Intezar Karti Hain

Alam Khursheed

Raat Yon Dil Main Teri Khoi Hui Yaad Aai ( Poetry by Faiz Ahmed Faiz n Designed by Rapunzel )

Click on pic for full view

Raat Yon Dil Main Teri Khoi Hui Yaad Aai

Jaise Veerane Main Chupke Se Bahaar Aa Jaye

Jaise Sehraon Main Holey Se Chale Baad-e-Naseem

Jaise Bemaar Ko Bewaja Qarar Aa Jaye

Faiz Ahmed Faiz

Na Teri Soch Ne Rehai Di Na Teri Yaad Se Nikal Paya ( Poetry by Aatif Saeed n Designed by Bisma's Art )

Click on pic for full view

Aik Muddat Guzar Gai Lekin

Dil Ka Mousam Nahi Badal Paya

Na Teri Soch Ne Rehai Di

Na Teri Yaad Se Nikal Paya

Aatif Saeed

Is Tarha Hon Tere Khayal Main Gum ( Poetry by Aatif Saeed n Designed by Rapunzel )

Click on pic for full view

Is Tarha Hon Tere Khayal Main Gum

Aaina Aainon K Jaal Main Gum

Wo Bhi Deta Nahi Khabar Apni

Main Bhi Rehta Hon Apne Haal Main Gum

Aatif Saeed

Bikhar Rahe Hain Meri Zindagi K Tamam Wark ( Poetry by Ahmed Faraz n Designed by Guddo )

Bikhar Rahe Hain Meri Zindagi K Tamam Wark

Na Jane Kab Koi Aandhi Urra K Le Jaye

Main Kab Tak Dosron K Dukh Sambhal K Rakhon Faraz

Jis Jis K Hain Wo Nishani Bata K Le Jaye

Ahmed Faraz

Baghair Ishq K Ijz-o-Ataa'at Be Ma'ani ( Poetry by Nusrat Naseem n Designed by Passion Creations )

Baghair Ishq K Ijz-o-Ataa'at Be Ma'ani

Talab Jo Teri Nahi To Hayat Be Ma'ani

Mila Firaq Main Wo Sakoon-o-Kaif K Ab

Wisal-o-Qarb K Sab Iltafaat Be Ma'ani

Sath Jo Tera Nahi, Zindagi Hai Be Musarraf

Ye Roz-o-Shab, Lamhat-o-Sa'at Be Ma'ani

Nusrat Naseem