Churao Nazren Churao Daman

Churao Nazren Churao Daman

Hum Ne Ilaj-e-Zakham-e-Dil Ko Dhoond Liya Lekin ( Designed by Shahid Ali Kiani )

Click on pic for full view

Hum Ne Ilaj-e-Zakham-e-Dil Ko Dhoond Liya Lekin

Gehre Zakhmon Ko Bharne Main Waqt To Lagta Hai

Ab Apni Mohabbat Ki Safai Na Diya Kar ( Designed by Raja Azhar )

Ab Teri Wazahat Main Sadaqat Nahi Lagti

Ab Apni Mohabbat Ki Safai Na Diya Kar

Jo Main Ne Chaha Tha Ho Jaye ( Poetry of Saad Ullah Shah n Designed by Deepless Eyes )

Jo Main Ne Chaha Tha Ho Jaye Wo Hua To Nahi

Magar Ye Dard Meri Zaat Se Juda To Nahi

Wo Be-Niaz Hai Tum Se To Chor Do Us Ko

Wo Aik Shakhs Hai Aakhir Khuda To Nahi

Usi Ki Roshni Shamil Hai Mere Ashkon Main

Jo Deep Us Ne Jalaya Tha Wo Bujha To Nahi

Saad Ullah Shah

Ye Jo Deewane Se Do Chaar Nazar Nazar Aate Hain ( Poetry of Saghar Siddiqui n Designed by S M Arshad )

Ye Jo Deewane Se Do Chaar Nazar Nazar Aate Hain

In Main Kuch Sahib-e-Israr Nazar Aate Hain

Teri Mehfil Ka Bharam Rakhte Hain So Jate Hain

Warna Ye Log To Bedaar Nazar Aate Hain

Door Tak Koi Sitara Hai Na Koi Jugnu

Marg-e-Umeed K Aasaar Nazar Aate Hain

Mere Daaman Main Shararon K Siwa Kuch Nahi

Aap Phoolon K Kharidar Nazar Aate Hain

Kal Jinhe Choo Nahi Sakti Thi Farishton Ki Nazar

Aaj Wo Ronaq-e-Bazaar Nazar Aate Hain

Hashar Main Kon Qawahi Meri De Ga Saghar

Sab Tumhare Hi Tarafdaar Nazar Aate Hain

Saghar Siddiqui

Janaa Tum Ne Dair Laga Di ( Poetry of Fakhra Gul n Designed by Shahid Ali Kiani )

Janaa Tum Ne Dair Laga Di

Wo Sab Kehne Main

Jin Meethey Bolon Ki Khatir

Hum Ne Apni Umer Ganwa Di

Ab Aaye Ho...

Waqt Ne Jab Aankhon Per Sham Bitha Di

Janaa Tum Ne Dair Laga Di

Fakhra Gul

Mujhe Jab Bhi Wo Milta Hai Wafaon Sa Lagta Hai ( Designed by Tipu Shaikh )

Mujhe Jab Bhi Wo Milta Hai Wafaon Sa Lagta Hai

Bari Shiddat Se Mangi Jo Duaon Sa Lagta Hai

Tujhe Kaise Bhula Paon Jahan Sara Her Lamha

Tumhare Pyar Se Mehki Adaon Sa Lagta Hai

Koi Chupke Chupke Kehta Hai, Koi Geet Likho Meri Aankhon Per

Koi Chupke Chupke Kehta Hai

Koi Geet Likho Meri Aankhon Per

Koi Shair Kaho Mere Lafon Per

In Khushbu Jaisi Baton Per

Chup Chap Main Sunta Rehta Hon

Phir In Jheel Si Gehri Aankhon Per

Ik Taaza Ghazal Likh Deta Hon

In Phool Jaisi Baton Per

Ik Shair Naya Keh Deta Hon

Ye Geet Ghazal Ye Shair Mere

Sab Us K Pyar Ka Darpan Hai

Sab Us K Roop Ka Darshan Hai

Sab Us Ki Aankh Ka Kajal Hai